Manganganak na diumano si Dominique Cojuangco, unica hija nina Tonyboy Cojuangco at Gretchen Barretto.
Yup, kumpirmadong magiging lola na nga raw si Gretchen ayon sa narinig kong kuwento.
Nauna na raw ikinasal si Dominique sa non-showbiz boyfriend nitong si Michael Hearn.
Nag-aral sa Istituto Marangoni sa London at Fashion Institute of Design & Merchandising sa California, kung saan siya nagtapos ng magna cum laude, ikinasal raw ito sa negosyante na may construction consultancy at cocktail bar sa isang simpleng seremonyas.
Hindi ma-social media si Dominique na kasalukuyan daw naka-base sa London.
Kaya inaabangan kung bibiyahe si Gretchen pa-London para salubungin ang pagdating ng kanyang kauna-unahang apo.
Matagal-tagal na rin naka-social media break si Gretchen na naging aktibo sa kalagitnaan ng pandemya sa pag-ayuda sa mga showbiz industry workers na matinding naapektuhan ng covid-19.
Naging kontrobersyal naman siya kamakailan nang magkomento si La Greta tungkol sa suot na relos ni Sen. Bato habang dinidinig noon sa Senado ang isyu ng e-sabong na ngayon ay hindi na pinapayagang mag-operate.
ONE HAPPY FAMILY ANG ‘PATTERN...’