Jed, isinalba ng BTS sa anxiety attacks
MANILA, Philippines — Naging open ang singer na si Jed Madela tungkol sa naranasan niyang anxiety noong magkaroon ng COVID-19 pandemic.
Kinuwestiyon ni Jed ang sarili kung hinahanap-hanap pa ba siya ng maraming tao at kung may career pa ba siyang puwedeng matawag?
“Ang daming questions sa isip ko minsan. Most of the time, lumalabas ‘yan lahat ng gabi or pagpahinga na. So ang dami kong naiisip at tinatanong sa sarili ko. Am I still wanted? Am I still relevant in this business? Do people want to hear me sing?
“Napo-post ko ‘tong mga bagay na ‘to because it is also a cry for help. It is also a call sa mga taong nakakaintindi sa ‘kin or nakakakilala sa ‘kin to let them know na I’m not doing okay,” diin ni Jed.
Kaya dinadaan na lang ni Jed ang kanyang paglabas ng nararamdaman sa pamamagitan ng pag-awit na pino-post niya sa social media. “I want people to see that I am also human. Kasi minsan ang nakikita nila sa celebrities akala nila... untouchables, a perfect life. But it’s not eh. Nobody has a perfect life. It is showing the people that pare-pareho tayo ng pinagdadaanan. When people see me online, that’s the real Jed Madela that they see. Hindi ‘yung nakikita nila sa ASAP. Hindi ‘yung nakikita nila sa mga shows. The real Jed that you see is the one that you see in unexpected times online,” saad pa niya.
Nagpatingin na raw si Jed sa isang doktor tungkol sa kanyang anxiety attacks. “I already had myself checked. My doctor told me, everybody goes through these situations. It just so happened na masyadong nama-magnified sa atin kasi nasa entertainment industry. What’s important about it is you acknowledge it. Kaya ako hindi ako nahihiyang sabihin na I have anxiety issues. If you have something like that, it’s nothing to be ashamed of. Kailangan mo talaga humingi ng tulong.”
Isa raw sa nakatulong sa anxiety ni Jed ay ang paghanga siya sa Korean boy group na BTS.
“’Yung BTS helped a lot din because ‘yung relatability, because ‘yung ginagawa natin ngayon people will see how people will relate to us na nakikita nila on TV – na ‘di pala lumalayo ‘yung pinagdadaanan natin. They started from walang-wala. Na sila mismo ‘yung nagbebenta ng sarili nila. Sila ang naglalako ng flyers nila. And I saw myself in that. Dati magmo-mall show ako, minsan walang manonood kasi ‘di naman ako kilala. Before ako mag-mall show, mag-iikot muna kami mamimigay ng flyers para may manood. Doon nakita ko ‘yung pinagdaanan ng BTS na from nobody until they became a huge name in the industry.”
Direktor ng pelikula nina daniel at Charo, wagi rin sa London East asia Filmfest
Nagwagi bilang best director sa London East Asia Film Festival (LEAFF) ang Filipino filmmaker na si Carlo Francisco Manatad para sa pelikulang Kun Maupay Man It Panahon (Whether the Weather is Fine) na bida sina Charo Santos at Daniel Padilla.
Pinuri ng LEAFF ang obra ni Manatad at tinawag nila ito na “a blend of the fantastical with the painfully true, and the delicate with the epic.”
Ayon pa sa LEAFF: “We particularly commend this director on an extraordinary accomplished debut feature, one to which he has a deep personal connection.”
Bukod sa best director win, nakamit din ng pelikula ang parangal na Youth Jury Prize sa Locarno Film Festival last August.
Dine-dedicate ni Manatad ang panalo niya sa mga taga-Tacloban.
Lady Gaga, naghubo para sa Gucci
Hubo’t hubad na Lady Gaga sa November issue ng Vogue Italia at sa December issue ng British Vogue. Ang sikat na photographer na si Steven Meisel ang kumuha sa mga seksing karawan ng singer.
Para raw ito sa promotion ng pelikula niyang House of Gucci.
Sa kanyang interview sa British Vogue, kinuwento ni Gaga ang kanyang pagganap bilang ang Italian socialite Patrizia Reggiani sa pelikulang House of Gucci: “It is three years since I started working on it and I will be fully honest and transparent: I lived as her (Reggiani) for a year and a half. And I spoke with an accent for nine months of that. I never broke. I stayed with her.”
Sa Nov. 24 na magbubukas sa mga sinehan ang House of Gucci at hindi raw gino-glorify ni Gaga ang pagganap niya as Reggiani na na-convict for murder.
- Latest
