Aktor, nagagalit sa director ‘pag ‘di pinapayagang gawin ang mga imposibleng eksena!

Dati nang mainitin ang ulo ng isang popular na male personality. Kapag hindi nasusunod ang gusto niyang mangyari sa seryeng siya ang bumibida ay namemersonal siya.

Maraming bawal sa set. Bawal siyang kontrahin samga gusto niyang gawing eksena kahit pa hindi naman ‘yun puwedeng mangyari sa totoong buhay.

‘Yun ang dahilan kung bakit sumuko na sa kanya ang mga direktor, pati ang mga scriptwriter, dahil pinanghihimasukan niya ang trabaho ng mga ito.

Unang kuwento ng aming impormante, “Ilag na ilag sakanya ang mga talents (read: extra), bihira lang kasi siyang ngumiti, naninigaw pa siya sa mga eksenang siya mismo ang nagdidirek.

“Ayaw niyang may nag-iingay sa set, kaya kung mag-usap-usap ang mga talents, e, pabulong na lang halos at ang iba, e, nagsa-sign language na lang!

“Ganu’n siya katindi, parang siya lang ang may karapatang magsalita. Lahat, napapansin niya, samantalang artista siya ng serye, ha?

“Nu’ng minsan, e, napansin ng mga tao sa set na meron siyang kaargumento. Production staff ang parang sinisigawan niya! Natural, uneasy ang lahat kapag ganu’n!

“Meron pala siyang ipinipilit na gawing eksena na kinokontra ng direktor! Kinampihan ng staff si direk dahil hindi naman kasi talaga puwedeng gawin nang basta-basta ang eksenang gusto niya!

“Hlaan n’yo kung anong scene ang gusto niyang i-execute? Manggagaling siya sa puno, lulundag siya pababa, saka niya raratratin ang mga kalaban niya!

“Sabi ni direk, e, hindi siya makaiiwas sa bala saganu’ng eksena! Sangdamakmak ang mga kalaban niya, hindi man lang siya tatamaan? Galit siya, bakit daw kinokontra ang gusto niyang eksena?” tawa nang tawangkuwento pa ng source.

Mas umiinit ngayon ang ulo ng male personality dahil palagi silang napa-pack-up. May mga nagpopositibo kasi sa COVID, kailangang ihinto ang kanilang taping, inis n ainis siya sa ganu’n.

Sabi ng aming source, “Nasisira raw kasi ang continuity, nagbabago raw ang galaw ng mga artista kapagnagbalik na uli sa trabaho! Mas importante ba naman ‘yunsa kaligtasan nilang lahat.

“Nakakaloka ang male personality na ‘yun! Perfectionist siya, e, hindi naman siya perfect! Ano ang akala niya sa mga kasamahan niyang artista at production staff, makina?” naiinis na pagtatapos ng aming impormante.

Ubos!

Jeric, maraming nilinaw kay aljur bago pinayagan kay AJ

Naging panauhin namin si Jeric Raval sa Cristy Ferminute nu’ng nakaraang Biyernes. Man of the hour din siyang itinuturing ngayon dahil sa kontrobersiyang ikinakambal sa kanyang anak na si AJ.

Nililigawan ni Aljur Abrenica ang kanyang dalaga, kahihiwalay lang nito sa asawang si Kylie Padilla, kaya pinagbibintangang third party sa hiwalayan ang kanyang  anak.

Nag-usap na sila nang masinsinan ni Aljur, maigsi lang ang panahon ng kanilang pag-uusap, pero sa palagay niJeric ay nagkaintindihan naman sila.

“Diretso ko siyang tinanong, nililigawan mo ba si AJ? Opo ang sagot niya. Hiwalay ka ba? Opo raw. Sabi ko sakanya, e, ayusin niya muna ang buhay niya at wala siyangmagiging problema sa akin.

“Ayusin niya ‘kako ang sitwasyon nilang mag-asawa, mag-usap sila, sana nga, e, maiayos nila ‘yun para magkabalikan sila.

“Naaawa ako kay AJ, masyado nang naaapektuhan ang anak ko. Wala namang amang gustong maging kabit lang ang anak, ‘di ba?

“Pati nga ako, e, naba-bash na rin, pero hindi ko nalang sila pinapansin. Makapag-move-on na sana lahat. Huwag silang namemersonal dahil mabait si AJ,” komentong action star.

Kung meron man daw nakakakilala nang lubos sakanyang anak ay siya ‘yun. Lumaki pala si AJ sa kanyang asawang si Holiday at hindi sa tunay nitong ina.

“Alam n’yo naman si Holiday, makaluma ang asawa ko. Ni hindi nga siya palalabas ng bahay, simple lang ang asawa ko. Sa ganu’ng paraan niya pinalaki si AJ, samakalumang paraan, hindi lumaki si AJ sa biological mother niya,” paglilinaw pa ni Jeric.

Hindi pa sila nagkikita-nagkakausap ni Robin Padilla na kaibigan niya. Kung ano ang masasabi niya kapagnagkita sila ni Binoe ay itinanong din niya kay Aljur.

“Magkakasama tayong dumadalaw nu’n kay Robin saMuntinlupa, di ba? ‘Yun mismo ang tanong ko kay Aljur, ano ang sasabihin ko sa biyenan niya kapag nagkita kami?

“Baka sabihin ni Robin na kinukunsinti ko ang anak ko. Kaya nga sabi ko kay Aljur, e, ayusin niya muna ang buhay niiya. Magpakalalaki siya! Wala nang mas gaganda pa sa relasyon na walang problema, walang sagabal,” panghuling komento ni Jeric Raval.