MUP Ambassadors

Pormal na nga gipahibawo sa Miss Universe Philippines Organization ang bag-ong titulo o role sa mga mananaog sa nahisgutang pageant. Si MUP Mateo Rabiya mao nay Ambassador for Education; si first runner-up Ysabella Ishamael ang Ambassador for Arts and Culture; si second runner-up Michelle Gumabao ang Ambassador for Health and Wellness; Ambassador for Tourism si 3rd runner-up Pauline Amelinckx; ug si 4th runner-up Billie Hakinson ang Ambassador for Gender Equality.

Si Jane gyud

Hingpit na nga gipahibawo ni Kapamilya executive Cory Vidanes nga ipadayon ang subling paglupad ni Darna pinaagi sa usa ka series ug si Jane de Leon gihapon maoy bida. Giluwatan ni Vidanes ang pahibalo atol sa subling pagpirma og kontrata ni de Leon sa Star Magic niatong Biyernes. Suma pa ni Jane nga bulahan gyud siya gumikan sa maong grasya ug nga mapasalamaton kaayo siya sa network.

No big deal

Dili big deal kang King of Talk Boy Abunda nga wala siya nalakip sa Christmas Station ID sa ABS-CBN. Ang importante mao nga gihatagan niya og igong dedikasyon ang iyang mga show sa Kapamilya Network. Nagsugod na kagabii ang talk show ni Boy sa ANC. Kini maoy ang The Boy Abunda Specials.