Halin sa negosyo ni Gladys gidala sa ex-bf

CEBU, Philippines — Puwerting hilaka ni  Gladys Guevarra  sa  video niya sa Facebook sa miaging gabii kun diin gipahibalo niya nga buwag na sila sa iyang hinigugma nga si Leon Sumagui.

Suma pa ni Gladys nga nadala ni Leon ang halin sa iyang ginagmay  nga negosyo.

Nasayran nga namaligya ang  komedyante og  palitaw, puto ug kalamay .

Tungod  sa dako niya nga pagsalig kaniadto , sa bank account sa maong lalaki   i-deposit  ang bayad sa iyang customers.

"Hi guys! Kailangan ko po mag announce, na lahat po ng naka order na at nakapag bayad para sa Palitaw at kalamay at puto, ikina-cancel po muna namin lahat, sa mga di inaasahang pangyayari.And yes, kinakailangan po naming i-refund lahat ng pera ninyo.Maraming salamat po. Aayusin na po namin ito sa lalong madaling panahon,” suma pa ni Gladys.

  Gipasalig niya ngadto sa iyang customers nga  mohatag siya og refund.

"Wag po kayo mabahala, at wala po sa akin ang pera. Pero inaayos ko na pong maibalik sa inyo lahat,” niya pa.

Wala gipublikar ang pag-sorry

Gitataw ni Andi Eigenmann nga nangayo na siya og  pasaylo sa iyang ex-boyfriend nga si Albie Casiño kinsa maoy napasanginlan kaniadto nga maoy amahan sa anak sa aktres. 

Giklaro sa aktres nga dili na kinahanglan nga moagi pa sa publiko ang pagpangayo niya og pasaylo sa iyang kanhi uyab.

“You and the rest of the public are not aware, because I never owed you that apology. I owed that to him. You see, it’s one thing not to have given forgiveness. That’s something I can’t control. But it’s also another thing to say otherwise,” suma pa sa aktres.

Kahinumdoman nga naapektohan ang career ni Albie kaniadto kinsa maoy ka-loveteam ni Kathryn Bernardo sa remake sa Mara Clara.

Apan pipila ka tuig ang nilabay , nasuta nga  si Jake Ejercito ang amahan sa bata.

Daniel mag-online concert

Malipayong gipahibalo  ni  Daniel Padilla nga duna siyay online concert karong October 11.

Ang maong digital concert nag-ulohan og Apollo: A Daniel Padilla Digital Experience" .

Sukad kini gianunsyo ni Daniel niadtong Huwebes , nag-trending sa Twitter ang hashtag nga #APOLLODanielPadilla.

Nagpanikad na  sa maong concert ang fans sa aktor .

Bugoy miangkon na nga dunay anak

Gisurpresa sa kanhi  child star nga si Bugoy Cariño  ang iyang fans human gipakita niya sa publiko ang  hulagway sa iyang anak.

Mao kini ang labing unang higayon nga nag-post siya og hulagway kun diin katupad niya ang iyang anak ug ang  girlfriend niya nga si EJ Laure.

Gipublikar niya ang iyang anak atol sa iyang birthday sa miaging adlaw.

“HAPPY BIRTHDAY TO ME! . Happy to have a family na mahal na mahal ako. Pagsisikapan ko pong itaguyod ang blessing na ito. Thank you for your unending support and I love you both, Mommy EJ and Baby Scarlet!!,” suma pa sa IG post ni Bugoy.

Kahinumdoman nga hilom kaayo ang pagbiya ni Bugoy sa Hashtags niadtong 2018 apan duna nay mga  pagduda nga  nakapamabdos siya  niadtong higayona.