Lima ka tuig na!

Gisaulog nila ni Liza Soberano ug Enrique Gil ang ilang fifth  anniversary isip mag-uyab niadtong Huwebes.”My Always and forever. Happy anniversary. Thank you for always making me smile, baby. I love you so much,” caption pa ni Enrique sa gi-post niya nga hulagway sa Instagram.

Nakulbaan

Giangkon ni Michelle Dee nga nakulbaan na siya og sugod  sa umaabot nga Miss World 2019 karong December 14 sa London, England. Ipatigbabaw gyud niya ang pulong nga  “beauty with a purpose”.

Nangayo og sorry

Miisyu og apology  ang “It’s Showtime” kalabot sa nahitabong  wardrobe malfunction sa   opening number niini  kagahapon. Nakasinati si “Miss Q and A” grand finalist Lars Pacheco og  wardrobe malfunction.” Gusto lang po naming linawin ang naganap na pangyayari kay Lars Pacheco. Nagkaroon po ng wardrobe malfunction kanina si Lars Pacheco. Wala pong may kagustuhan nun. Kahit si Lars ay hindi kagustuhan ang nangyari, at sino man sa mga host o bahagi ng programang ito ay hindi ginusto ang pangyayari. Kahit si Lars ay sobrang na-embarrass sa pangyayaring ‘yon,” suma pa sa usa sa mga  host  sa maong show nga si Vice Ganda.

Mag-atbang

Magkaatabang sa Metro Manila Film Festival ang mga pelikula nila ni Pokwang ug ang partner niini nga si Lee O’Brian. Nalakip si Pokwang sa pelikulang “Mission Unstapabol: The Don Identity”, samtang si Lee sa  “Culion.”

Nalanag sa pagkaon

Nalandig sa tambalanan si Amy Perez sa miaging adlaw  gumikan sa food poisoning. Suma pa ni Amy nga puwerting luyaha sa iyang lawas ug wala niya gidetalye kun unsa ang iyang nakaon.

Okay na!

Nagmaya ang miyembro sa Momoland nga si Nancy gumikan kay nahibalik na gyud kaniya ang iyang Instagram account. Kahinumdoman nga na-hack ang iyang IG account sa miaging adlaw. Sa laing bahin, nangandam na si Nancy sa umaabot niya nga teleserye sa ABS-CBN nga Soulmate, kun diin makauban niya si James Reid.

Dunay twist

Gibutyag ni Direk Jason Paul Laxamana nga dunay twist sa Pedro Penduko nga pagadalhon ni Matteo Guidicelli. Suma pa sa direktor nga gitun-an na niya og maayo  ang mahimong dagan sa istorya niini aron segurado nga mo-click kini sa publiko.

Bahala og layo

Gitambongan gyud ni  Erich Gonzales ang kasal sa iyang ka-batch sa  “Star Circle Quest” nga si Vanessa Grindrud didto sa  Oslo, Norway. Gipahigayon kini sa St. Olav’s Cathedral. Soud nga higala ni Erich si Vanessa busa wala gyud niya pakyasa ang maong okasyon.

Magpabilin sa Dos

Mi-renew  sa iyang kontrata sa ABS-CBN ang singer nga si Gary Valenciano.   Gitambongan kini nila ni  ABS-CBN president and CEO Carlo Katigbak ug chairman Mark Lopez.  Aduna siya’y umaabot nga concert. “After so many years, you kind of think that you’ll get used to it but then, every time you hold the pen, you kind of know that there’s a lot of memories,”saysay pa niya ngadto sa ABS-CBN News.

Friends gihapon

Giangkon ni Marx Topacio nga nagpabilin gihapon ang panaghigalaay nila sa iyang ex-girlfriend nga si Maxine Medina. Kahinumdoman nga nagbuwag sila sa miaging tuig.  Nilungtad og pito ka tuig ang relasyon nila kaniadto. (Sanden J. Anadia)

Teaser gipistahan dayon

Gikagobtan dayon netizens  ang  teaser  sa umaabot nga pelikula nila ni Bea Alonzo, Richard Gutierrez, ug Angelica Panganiban sa Star Cinema.

 Ang maong  pelikula nag-ulohan og Unbreakable ug gikatakdang ipasalida karong November 27.

Si Mae Cruz-Alviar ang direktor niini  kinsa nakatrabaho na nila ni Bea ug Angelica sa Maging Sino Ka Man niadtong  2006.