Bagong apple of the eye

CEBU, Philippines – Si Marco Gumabao ang bag-ong apple of the eye sa Viva karon human nihawa na sa nataran niini ang aktor nga si James Reid. Si Marco gipakpakan og maayo human nga mibida sa ‘Just A Stranger’ kauban si Anne Curtis.

Dili kauban

Dili una ubanan ni Marian Rivera ang iyang bana nga si Dingdong Dantes sa Berlin Marathon sa Germany. Matud pa ni Marian nga dili pa gyud niya mabiyaan ang ilang mga chikiting. Guilty si Marian gumikan kay dili niya masaksihan ang usa sa mga dakong kalihokan nga gisalmotan sa iyang bana.

Wala makahimamat

Music video director na karon si John Lloyd Cruz. Siya ang mihatag og direksyon sa kanta sa Sugar Hiccup nga ‘Saturnine Nevermore’. Gikasubo sab ni John Lloyd nga wala niya mahimamat ang banda sa personal apan nakabuhat siya sa video base lang sa kanta.

Isangka bisan asa

Ipagawas sa pipila ka mga international film festival ang pelikula nga gibidahan nila ni Sharon Cuneta ug John Arcilla nga ‘Kuwaresma’. Matud pa ni Sharon Cuneta nga lima ka mga film festival ang salmotan sa maong pelikula. Ubos kini sa direksyon ni Erik Matti.

Andam modawat

Andam gyud modawat si Bea Binene kun tanyagan siya og pelikula sa Star Cinema. Matud pa niya nga dili gyud siya mamili og trabaho gumikan kay importante gyud kini aron nga magmalambuon og samot ang iyang karera.

Bagong korona

Gianunsyo sa Miss Universe Organization nga makabaton og bag-ong korona ang mahimong Miss Universe karong tuiga. Gianunsyo kini pinaagi sa opisyal nga Facebook account sa MU.

Enjoy lang

Gi-enjoy og maayo ni KC Concepcion ang iyang kinabuhi. Una na nga nigawas ang balita nga nagbuwag na sila ni Pierre Plasart. Andam ra usab siya mosanong kun dunay makig-date kaniya.

Singing career nagkalig-on

Malipayon si Iñigo Pascual gumikan sa maayo nga dagan sa iyang singing career. Una na nga nigawas ang taho nga makauban niya sa iyang bag-ong single mao ang Singaporean singer nga si Akasha . Magkauban ang duha sa awit nga ‘Adios’. Ang video sa maong kanta, gipagawas pinaagi sa Star Music.

Gireserba ang kasingkasing

Malipayon si JC Santos sa estado sa iyang lovelife karon ngadto sa iyang non-showbiz girlfriend nga usa ka chef. Matud pa ni JC nga gireserba gyud niya ang iyang gugma ngadto sa high school mate niya sa Pampanga nga nailaila niya 16 na ka tuig ang milabay.