Makabaton og serye

CEBU, Philippines – Paingon na si Bea Alonzo sa General Santos City aron  sugdan ang taping  sa iyang umaabot nga teleserye nga hangtud karon wala pa gibutyag kun unsa ang titulo niini. Mapasalamaton si Bea nga daghang mga proyekto ang miabot kaniya.

Nag-iring iring?

Tak-om lang si Gerald Anderson sa nitumaw nga isyu nga matud pa duna sila’y kagahapon ni Barbie Imperial.  Giingong usa kini sa giawayan og maayo sa dihang  uyab pa sila si  Gerald ug Bea Alonzo. 

Walay exposure

Giangkon ni Janno Gibbs nga dili maayo ang relasyon niya sa  ABS-CBN human sa iyang Instagram post niadtong Nobyembre 2018  kun diin gitubag niya ang mga fans kun nganong wala siya'y labot sa Christmas station ID sa maong network. Ang iyang komento nga nga nakapasuko sa iyang  mother network mao ang ,”   'Wag n'yo ko hanapin sa station id at asap nila yan'.” 

Nakasuway gyud

Wala makatuo si Joseph Marco nga makabaton siya og love team sa 'Los Bastardos'. Si Ritz Azul ang iyang ka tandem karon ug ni-click gyud kini tungod kay pareho sila nga walay ka tandem kaniadto.

Komplikado kaayo

Gibutyag ni Sunshine Dizon nga dili gyud maayo ang relasyon niya sa iyang bana nga si Timothy Tan. "I cannot say that we’re friends.  I cannot say kasi very complicated pa rin ang situation. Basta, maayos kami for our children. For now, okay na muna yun", suma pa ni Sunshine.

Mgalisod og biya

Siyam ka tuig na si Alden Richards  sa GMA ug maayo pagka-atiman ang iyang career  hinungdan nga wala gyud siya  nibiya niini.  Busy karon si Alden  sa upcoming series niya nga The Gift. Kahinumdoman nga ni-renew si  Alden sa iyang kontrata sa GMA niadtong Martes.

Gusto mo- level up

Na-pressure na karon sila si Edward Barber ug Maymay Entrata sa ilang umaabot nga thanksgiving concert karong Setyembre 27. Matud pa ni Edward nga gusto sab nila mag-level up mao nga gusto nila nga makasuway og  concert.

Maglikay sa isyu

Napamatud-an sa anak ni Lea Salonga nga si Nicole Chien nga kamao sab gyud siya nga mokanta apan gitataw niya nga dili siya moapil og 'The Voice'. Naa ang  presensya sa iyang inahan ug dili sab siya ganahan nga maisyu  nga bias ang maong show tungod kay anak siya sa usa ka judge .

Nagmahay sa pagbiya

Nagmahay si Jon Lucas nga mibiya sa grupo nga Hashtags. Matud pa niya nga dako ang natabang sa 'It's Showtime' sa iyang mga kagrupo. "Kung makikita niyo yung mga kagrupo ko, may sasakyan, o kaya may bagong bahay, lahat po yun, dahil sa tulong po ng It’s Showtime, dahil po sa Hashtags", suma pa ni Jon.

Commercial building

Gituman ni Dimples Romana ang iyang damgo nga makaangkon og commercial building nga nahimutang sa Parañaque.  Nahuman na ang konstruksyon niini ug mahimo na kini nga abangan.