Nagmaya ang mga Sugbuanon!

CEBU, Philippines — Emosyonal nga nalitok sa pambato gikan sa Talisay City, Cebu nga si Gazini Ganados ang mga pulong nga “I can’t believe it” ngadto kang Miss Universe 2018 Catriona Gray atol sa pagpasa sa korona isip Miss Universe Philippines  niadtong Hunyo 9, 2019 sa Araneta Colisuem.

Ang 23 anyos nga beauty queen kinsa mao ang init nga kandidata nga gisuportaran karon sa avid fans sa Binibining Pilipinas mao na karon ang mopadayon sa pag-isa sa atong bandera sa atong nasud sa umaabot nga Miss Universe 2019.

Nabatyagan  gyud sa kadaghanan ang iyang tam-is apan sexy nga pinasuhan sa dakong entablado . Mao kini ang labing unang korona nga iyang naangkon sukad nga misalmot siya og mga indigay.

Misalmot siya niadtong 2014 sa Miss World Philippines apan wala gyud mitakdo sa iyaha ang maayong kapalaran.

Pipila ka tuig ang milabay human siya mibalik sa pagsalmot. Sulod sa mga milabay nga katuigan, gipangandaman niya ang iyang kaugalingon alang sa mas dako pa nga indigay.

Balik sa kompetisyon, gikan sa 80 ka mga kandidata, gikuha lamang niini ang Top 40 ug gihashasan na sab kini hangtud nga nahimong Top 25 ug diha na gihagpatan nila kun kinsa ang mahimong kabahin sa Top 15.

Lakip sa Top 15 sila si April May Short (Zamboanga City); Marianne Marquez (Marikina); Vickie Rushton (Negros Occidental); Resham Saeed (Maguindanao); Maria Abesamis (Pasig); Joahna Carla Saad (Dumaguete); Samantha Ashley Lo (Cebu); Bea Patricia Magtanong (Bataan); Hannah Arnold (Masbate); Emma Tiglao (Pampanga); Jessica Marasigan (Malabon); Leren Bautista (Laguna); Samantha Bernardo (Palawan); Maria Isabela Galeria (Sorsogon) ug Gazini Ganados (Talisay City, Cebu).

Sa unang bahin pa lang sa koronasyon, gipakpakan pag-ayo ang kandidata sa Negros Occidental nga si Vickie Rushton.

Gani, nanghakot siya og  awards nga mao ang Jag Denim Queen 2019, Miss Ever Bilena 2019, Manila Bulletin Reader’s Choice 2019, Poten Cee Gandang Palaban 2019, Bb. Cream Silk 2019 ug Miss World Balance 2019.

Gawas ni Vickie, daghan sab gyud ang nagmalaumon nga si Bea Patricia Magtanong gikan sa Bataan kinsa bag-ohay lang nakapasar sa BAR Examination mao ang mapili nga rayna.  Nakuha niya ang mga minor awards nga Bb. Megawide 2019 ug Best in Swimsuit.

Ang mga kandidata nga nakaangkon og mga minor awards mao sila si Martina Turner Diaz sa Muntinlupa nga mao ang Miss Philippine Airlines 2019.

Miss Pizza Hut 2019 ang pambato sa Pampanga nga si Emma Mary Tiglao. Bb. Friendship sab si Marie Sherry Ann Tormes sa Polangui, Albay ug naangkon sab ni Cassandra Colleen Chan sa Bacolod ang Miss Talent

Si Gazini mao ang nahimong The Face of Binibini (Miss Photogenic) ug siya sab ang napili nga  Best in Long Gown. Ang pink gown nga gisul-ob ni Gazini mao ang mugna sa inila  nga si    Cary Santiago.

Una gianunsyo ang mga rayna karong tuiga, mipaso una sa katapusang bahin ang mga miaging nakoronahan nga sila si Bb. Pilipinas Supranational 2018 Jehza Huelar, Bb. Pilipinas Grand International 2018 Eva Psychee Patalinghug, Bb. Pilipinas Globe 2018 Michelle Gumabao, Bb. Pilipinas Intercontinental 2018 Karen Gallman, Bb. Pilipinas International 2018, Ma. Ahtisa Manalo 2018 ug Miss Universe Philippines 2018 Catriona Gray.

Emosyonal sab nga mipaso si Catriona sa dihang gipadungog ang iyang farewell speech.

Tipik sa iyang gipaabot nga mga pulong mao ang iyang paghinumdom sa iyang mga kasinatian sa dihang usa pa siya ka binibini. Dakong pasalamat sab niya sa mga nagpaluyo sa iyang kadaugan.

“I may only be one person, but now I have the opportunity to serve 104 million Filipinos, and I knew that I was doing this para sa Pilipinas. Inside each and every one of us is a king or queen with the ability to conquer the universe, whatever that may be for you.

But we must first conquer ourselves, conquer what others perceive of us, and finally, conquer with a purpose. To conquer our dreams.

Philippines, I will forever  raise our flag. Thank you for choosing me as your queen. Forever a Miss Philippines, forever a Binibini”, saysay pa ni Catriona.

Sa katapusang bahin, napili na ang mga bag-ong rayna nga mao ang mosangka sa nagkadaiyang mga iladong internasyonal nga mga indigay.

Ang Bb. Pilipinas-International 2019 mao si Bea Patricia Magtanong. Si Resham Saeed usab  ang Bb. Pilipinas-Supranational 2019.

Ang laing Cebuana  nga si Samantha Ashley Lo mao ang gikoronahang Bb. Pilipinas-Grand International 2019.

Si  Emma Mary Tiglao   ang nahimong Bb. Pilipinas-Intercontinental 2019. Alang sa Bb. Pilipinas-Globe 2019, naangkon kini ni Leren Mae Bautista.

Ang mga nahimong runner up karon mao sila si Maria Abesamis (first runner-up) ug Samantha Bernado (second runner-up).

Atol sa Q and A portion, gitubag ni Ganados ang pangutana nga  kun  maangkon niya ang korona, unsaon pagbaton og daghang babaye sa workplace .

“If I win the crown tonight, what I will do is to promote my advocacy. My advocacy is for us women to fight for our rights and for the elderly care and for us to be able to know that someone is loving and someone is pushing us to whatever ambitions that we have.

We will be able to rise from our decisions to whatever dreams that we have, goals that we have, and we will achieve it because of those values, those wisdoms that they gave us,” saysay pa ni Ganados.