Teleserye sa LizQuen giluto na!
CEBU, Philippines – Gisugdan na og luto sa ABS-CBN sa umaabot nga teleserye nila ni Liza Soberano ug Enrique Gil.
Mao kini ang ikaupat ang nga teleserye sa LizQuen nga nagsugod sa Forevermore niadtong 2014 , Dolce Amore niadtong 2016 ug Bagani niadtong 2018.
Nasayran nga kalit-kalit kaayo ang bag-ong teleserye sa LizQuen sanglit mao kini ang magsilbi nga follow-up project ni Liza human kini niatras sa movie remake sa Darna.
Ryza migradwar na
Malipayong gipahibalo ni Ryzza Mae Dizon ngadto sa iyang fans nga nigradwar na siya sa elementary sa Eton International School. Gi-post ni Ryzza ang iyang mga hulagway sa Instagram.
“Thank you very much po papa Jesus for everything. Thank you po sa family ko and Thank you Eton International School. Thank you teachers, Classmates and Ms. Jackie,” caption sa hulagway nga iyang gi-post.
Nagpasikat sa Dalagang Filipina
Dili na gyud mabangbang ang kasikat sa grupong “Allmo$t” nga maoy nagpasikat sa viral song nga “Dalaga” o “Dalagang Filipina.”
Nasayran nga nakalangkat gyud kini og minilyon nga views sa social media ug ubay-ubay na ang nagmugna og cover video niini.
Pipila sa nag-trending mao ang video nila ni Sharlene San Pedro, Kristel Fulgar ug Miles Ocampo
Giingong nagkaila lang sa internet ang grupo nga nagmugna niini. Kini naglangkob nila ni Crakky, Russell, Clien ug Jom.
Jen ug Dingdong magpabilin sa StarStruck
Gikatahong malakip gihapon sa sunod nga season sa Starstruck sila si Dingdong Dantes ug Jennylyn Mercado.
Nasayran nga si Dingdong maoy host sa nangagi nga season sa maong show, samtang si Jennlyn kinsa produkto sa maong programa, nahimong hurado sa miaging season niini.
Wala pa hinoun matino kung mao pa ba ang posisyon nila sa bag-ong season sa StarStruck.
Una na nga nigawas ang taho nga usa sa mahimong hurado sa maong show mao ang aktres nga si Heart Evangelista.
- Latest