Mariel at Robin may baby no. 2 na!

MANILA, Philippines — Mas bongga ang Mother’s Day ni Mariel Rodriguez this year. Kahapon  sa It’s Showtime ay kinuwento niyang may Baby no. 2 na sila ni Robin Padilla na naging abala sa natapos na kampanya. “Today, I am so happy to share with all of you ang isang espesyal na balita na nalaman namin ng asawa ko a few months ago. Si Isabella ay magiging ate na. I am three months pregnant with Baby No. 2,” banggit niya sa opening portion ng kanilang programa kung saan nagbigay sila ng tribute para sa mga ina.

Dalawang beses munang nagkaroon ng miscarriage si Mariel bago nabuo ang panganay nilang si Isabella na pinanganak niya pa sa Amerika. Common knowledge na hindi madali ang pinagdaanan niya bago nagkaanak sa aktor. “A few years ago, pag Mother’s Day, para sa akin po, para lang siya isang ordinaryong araw. But all of that changed when I became a mom myself,” kuwento niya pa kahapon.

Maligayang araw sa lahat ng mga Ina.

Pikachu nang-agaw sa takilya

Ang Hollywood film na Detective Pikachu ni Ryan Reynolds naman ang nakalaban ng mga Tagalog films na nag-showing last Wednesday. May mangilan-ngilan pang natitirang Avengers : Endgame sa mga sinehan, pero mas marami na ang sa Picachu na kinababaliwan naman ng mga bata.

Tatlong pelikulang Tagalog ang nagbukas sa mga sinehan - Sons of Nanay Sabel, Man and Wife and Tayo Sa Huling Buwan Ng Taon. Pero walang sumipa sa takilya.

Hindi rin kasi pang-bata ang tatlong pelikula kaya mas dagsa ang mga nanonood sa Picachu.