Maine napipisil maging anak ni Maricel!

SEEN: Si Maine Mendoza ang personal choice ni Eric Quizon para gumanap na anak ni Maricel Soriano sa Does Your Mother Know?, ang Mother’s Day offering ng Regal Entertainment Inc. Umaasa si Eric na makakatulong si Mr. Tony Tuviera ng APT Entertainment para matuloy ang pagsasama nina Maricel   at Maine sa pelikula.

SCENE: Si Martin Nievera ang leading man ni Maricel Soriano sa Does Your Mother Know? Thirteen years na ang nakalilipas mula nang gumawa si Martin ng pelikula, ang Wrinkles na si Eric Quizon din ang direktor.

SCENE: Hindi nakadalo si Carlo Aquino sa red carpet premiere ng Ulan sa SM Megamall at Trinoma Cinema noong Lunes dahil may previous commitment siya. Importante sa kuwento ng Ulan ang karakter na ginampanan ni Carlo.

SEEN: Sinuportahan ni James Reid ang premiere ng Ulan sa Trinoma Cinema 7 at magkasabay sila na dumating ng kanyang kaibigan na si Sam Concepcion. Mapapanood sina James at Carlo sa The Cr3w, ang concert nila sa Smart Araneta Coliseum sa April 5, 2019.

SCENE: Dalawang beses na dapat maligo sa isang araw ang payo ni Atty. King Rodrigo, ang asawa ni Boots Anson-Rodrigo.

SEEN: Nag-enjoy sina Maymay Entrata at Edward Barber bilang mga special PLDT customer care agents. Natuwa ang MayWard loveteam sa pagsagot sa inquiries ng mga customer tungkol sa PLDT Home Prepaid Wifi na nag-trending sa Twitter nang mag-take over sila.

Naalaala ni Maymay ang kanyang karanasan noong hindi pa siya artista.

“Sobrang nag-enjoy ako. Na-miss ko ‘yung time na nag-on-the-job training ako dahil para rin akong nag-customer service. Hindi madali ang trabaho ng customer care representative,” ang sabi ni Maymay.

“It’s the first time I was able to do something like this and I have a newfound respect for everyone who does this type of job, because it’s really challenging,” ang reaksyon ni Edward Barber sa brief stint nila ni Maymay Entrata bilang customer care agents ng PLDT Home.