Gipahunong Ang Kalingawan

Hugyaw nga Domingo mga KaBisChika! NaHugyaw ko sa gireklamo sa mga kauban nato nga local performers nga mga Diva’s sa dili maayo nga kasinatian.

Mao kini ang BisChika... Gikuha sila nga mo- perform sa usa sa mga Barangay sa Lapu-Lapu City kay nagkaduol na ang ilang fiesta. Nalipay kaayo ang sponsor sa kalingawan nga ang local divas kay bigay todo usab sa pag- perform. Apan pila lang ka minuto nga nilabay, kalit nga adunay nisaka sa stage ug gipaundang ang ilang show kay nakadawat sila og mensahe nga ipaundang na ang ilang kalingawan kay kon dili ig abot sa fiesta ang ilang pari dili magmisa! NaHugyaw ang mga nisaksi sa kalingawan ug wala’y nabuhat ang sponsor sa show, gidawat ang maong desisyon ug wala napugngan sa sponsor ang paghilak!

Ang akong pangutana sa Kinsa Siya Insider basin nagbinastos og mga action during the performance mao nga gipaundang sila? Dili man daw tubag pa sa Kinsa Siya Insider. Asa ang hustisya ???

Sa laing bahin, usa ka hugyaw nga Kapuso Fans Day kauban ang Pambansang Bae nga si Alden Richards! Yeess korek!!!! Dinhi sa Sugbo si Alden Richards  niaging semana!Special guest si Alden sa activity sa Lapu-Lapu City government para sa ika-120th Philippine Independence  Day. Kauban ni Alden Richards usab ang team Cebu Clashers nga silang Angel Pielago, Danielle Ozaraga, Joannah Jane Sy, Esterlina Olmedo, Golden Cañedo, Abigail Sellote.

Mao kini pinakabag-ong singing contest sa GMA ang “The Clash “ hosted by Ms. Regine Velasquez- Alcasid.

Pagkahapon, napuno na ang South Town Centre para sa Kapuso Fans Day featuring Alden Richards! Showdown usa sa kantahan ang team Cebu Clashers. Tagsa tagsa sila ni-perform on stage. Hmmmm... nakaingon ko nga Hugyaw atong pambato sa Cebu gyud. Nanghatag usab og papremyo ang GMA pinaagi sa mga duwa nga giandam namo. Pagtawag na ni Alden para mo-perform halos ang mga fans wala na’y ugma ug sininggitay. Speaking of fans, aduna’y suwerte nga dalaga gipasaka on stage ni Alden kay gabitbit kini og placard nga adunay nakasuwat og “ Alden payakap naman “

Sa akong hunahuna ako pud mogakos ko nimo!Hahahahaha! Malipayon si Alden nga nakabalik siya sa Cebu pero dili kini ang katapusang higayon kay mobalik pa si Alden to promote the upcoming GMA Teleserye!

Nahuman ang Kapuso Fans Day ni Alden Richards nga malipayon ang tanan! Usa nako sa nalipay kaayo kay nag-fan mode ang inyong Mother Butanding. Nakapa-picture gyud ko kay gipangita ko ni Alden! hahahahaha! Feeling beautiful lang ang peg...