Kim Chiu na-starstruck kay President Duterte

MANILA, Philippines – “Yes I voted for President Duterte.”

Ito ang sagot ng Kapamilya aktres na si Kim Chiu matapos kapanayamin ng Philstar.com tungkol sa pagkikita nila ni Pangulong Rodriog Duterte.

Matatandaang nag-trending noong Labor Day ang nangyari sa Cebu kung saan natigil sa kaniyang talumpati ang pangulo nang makita ang aktres.

“Actually nagulat din talaga ko. At first kasi, ang sabi lang sa amin, parang before the president will arrive, kami yung host. Noong pagdating namin dun, arrival pala ni president yung iho-host namin so parang nakakagulat na experience,” ani Kim.

Hindi naman naitago ni Kim ang pagkatuwa sa pagkakataon na nakuha.

“What a great experience! Just finished hosting an event for Labor Day here in my hometown Cebu and in the presence of the President of the Philippines, Pres. Rodrigo Duterte! Ang galing! Never thought of this moment!” caption ng Chinita Princess.

"May 1,2018 this experience will definitely one for the books! Daghang Salamat!"

Kwento ni Kim na hindi raw niya inaasahan na siya ang maghohost sa mismong event kung saan kasama niya si Kapuso actor Tom Rodriguez.

“Nung nakita ko siya, parang ‘Oh my God’ siya yung presidente ng Pilipinas. At the same time, hindi naman masyadong nakakakaba kasi Bisaya naman so nirequired naman kaming magsalita ng Bisaya. Home town ko naman siya, Cebu, so pag nagjojoke ako dun natatawa naman sila,” dagdag niya.

Natutuwa din ang bida sa pelikulang “Da One That Ghost Away” matapos siyang sabihan ng president na “gwapa.”

“Nagulat ako kasi ang seryoso ng speech niya, Endo eh, tapos biglang sinabi niya na si ‘Kim Chiu ka ba talaga?’ ay opo sir tapos yun ang gwapa ko nga daw.”