Relasyon ni Pia kay Marlon may blessing ng Miss U

SEEN: Sinuportahan nina Gerald Anderson at Ritz Azul ang red carpet premiere ng Ilawod sa SM Megamall Cinema 7 noong Sabado. Parang napadaan lang si Ritz sa sinehan dahil hindi siya nag-abala na mag-ayos para magmukhang artista.

SCENE: Marami ang mga porn site na dapat ipa-block ng Duterte administration. Accessible ang mga adult website sa mga menor de edad na estudyante ang porn site na kasama ang mga scandal ng ibang artista.

SEEN: Lumampas sa P40 million ang budget ng Across The Crescent Moon, ayon sa producer/director na si Baby Nebrida. Nagbiro si Nebrida na tumigil na siya sa pagbibilang nang makita niya na malaki na ang nagagastos ng kanyang movie company.

SCENE: Ang pahayag ni 2010 Miss Universe 4th runner up Venus Raj na “Once a beauty queen, always be a beauty queen,” sa isang episode ng Journey to the Crown ng ETC.

SEEN: Co-host ni Venus Raj sa Journey to the Crown si 2011 Miss Universe 3rd runner-up Shamcey Supsup na redundant ang mga sinasabi at favorite expression ang “Thank you for having me.”

SCENE: Itsapuwera sa Miss Universe related television shows si Ariella Arida, ang 3rd runner-up sa 2013 Miss Universe at co-host ni Willie Revillame sa Wowowin. Hindi na talent ni Jonas Gaffud si Arida na biglang umalis sa Mercator Artist and Model Management, Inc. nang magkaroon siya ng regular stint sa Wowowin.

SEEN: Nilalait ang terno na ipinasuot kay Miss Great Britain Jaime Lee Faulkner sa Terno Show sa Vigan, Ilocos Sur noong Linggo. Inaakusahan ang Pinoy designer ng terno na pinaglaruan niya si Faulkner.

SCENE: Ang pag-amin kahapon ni Miss Universe Pia Wurtzbach kay Dyan Castillejo na boyfriend na niya ang race car driver na si Marlon Stockinger. Nauna nang inamin ni Pia ang relasyon nila sa isang interview sa CNN. May basbas ang Miss U Organization sa relasyon nina Pia at Marlon.

SEEN: Effort ang pagpapasyal ni Francine Prieto at ng kanyang American husband sa kanilang pet dog dahil naglalakad sila mula Bonifacio Global City hanggang Powerplant Mall sa Rockwell na may driving distance na 5.5 kilometers.