Supportive mom
CEBU, Philippines - Bisan sa ka-busy ni Jennylyn Mercado , dili gyud niya pakyason ang pagtambong sa mga kalihokan sa eskwelahan kung diin nagtungha ang anak niya nga si Alex Jazz. Nilugwa si Jen sa fun run nga gisalmotan sa iyang anak sa miaging adlaw.
Anak sa AlDub giatngan
Human sa kasal, giatngan karon sa fans nila ni Alden Richards ug Maine Mendoza ang karakter nila sa Eat Bulaga nga makabaton na og anak. Matud pa nga dako ang posibilidad nga matuman ang maong sugyot gumikan kay padayon nga hatagan sa Eat Bulaga og exposure ang karakter sa ilang idolo isip AlDub.
Robredo nitan-aw
Nitan-aw si Vice President Leni Robredo sa concert ni Sharon Cuneta sa Solaire Resort and Casino niadtong Sabado sa gabii. Mapasalamaton ang mega star sa tanan niya nga supporters gumikan kay nagmalampuson gyud ang pagbalik niya sa concert stage.
Buy-Bust
Masaligon si Anne Curtis nga kagaton sa publiko ang iyang upcoming action movie nga Buy-Bust . Si Erik Matti ang direktor sa maong proyekto. Gisugdan na ang shooting niini niadtong Domingo.
Angayan sa role
Ang character actor nga si Ces Aldaba maoy nidala nga pari sa kasal nila ni Alden Richards ug Maine Mendoza sa Eat Bulaga niadtong Sabado. Nasaypan siya sa viewers nga tinuod nga pari.
Suportado sa mga anak
Nakadawat og suporta si Zsa Zsa Padilla sa iyang mga anak kalabot sa panagbalik nila ni Conrad Onglao. Matud pa nga niuyon ra ang iyang mga anak sa nakab-ot niya nga hukom sanglit iyaha man kini nga kalipay.
Nagkalig-ong relasyon
Ang mga suliran o pagsuway maoy nakapalig-on sa relasyon nila ni Charice ug Alyssa Quijano. Moabot na sa upat ka tuig ang ilang relasyon.”Every time na may tampuhan, lagi naming iniisip ‘yung ipinaglaban, bakit natin ipinaglaban, ‘yung reasons bakit naghirap tayo para ma-reach ‘yung point na ito,” matud pa ni Alyssa sa dihang nilugwa siya sa programang Magandang Buhay.
Church wedding
Gibutyag ni Alfred Vargas nga pakaslan gyud niya sa simbahan sunod tuig ang iyang asawa nga si Yasmine Espiritu. Kahinumdoman nga nanumpa ang duha pinaagi sa civil wedding niadtong 2010. Suma pa ni Alfred nga bisan kinsa nga babaye, nangandoy gyud nga makasal sa simbahan.
Dakong buhi
Giklaro ni Julio Diaz nga ang iyang igsuon maoy namatay nga susama niya og pangalan. Nasayran nga kalit lang nitumaw kagahapon ang tsismis nga matud pa nipanaw na ang aktor butang nga iyang gikakugang. Mariano de Leon Regaliza ang tinuod nga pangalan ni Julio, samtang Mariano Regaliza Jr. ang namatay niya nga igsuon.
Dili interesado
Dili interesado si Chito Miranda nga gamiton sa mga musical ang mga awit sa grupo niya nga Parokya ni Edgar. Nasayran nga nagkauso karong panahona nga gamiton ang OPM sa nagkadaiya nga mga musical , sama sa Rak of Aegis ug Ako Si Josephine. (BANAT NEWS)
- Latest