Dating sexy actress na si Aleck Bovick pasok sa serye ni Vina
Nagbabalik-showbiz ang dating sexy star na si Aleck Bovick matapos itong mawala sa sirkulasyon sa loob ng maraming taon.
Si Aleck ay kasama sa cast ng bagong teleserye ng ABS-CBN, ang Nasaan Ka Nang Kailangan Kita na tinatampukan nina Vina Morales, Denise Laurel, Jane Oineza, at Loisa Andalio mula sa magkatulong na direksiyon nina Jeffrey Jeturian at Mervyn Brondial.
Last November ay nag-guest si Aleck sa The Singing Bee nina Amy Perez at Roderick Paulate. Huli siyang napanood in 2006 nang siya’y mapasama sa Celebrity Edition ng Pinoy Big Brother (PBB) at siya bale ang kauna-unahang celebrity na na-evict.
Si Aleck ay nakilala sa mga pelikulang nagawa niya simula nung 2002 tulad ng Kaulayaw, Tampisaw, Masarap na Pugad, Hiram, Kerida at U-Belt. Kasama rin siya sa pelikulang Naglalayag in 2004 at Manila in 2009.
Pagkatapos ng ‘unos’, Derek hayahay na uli ang buhay
Everything is coming up roses for Derek Ramsay ngayong 2015 dahil nalagpasan na niya ang kanyang controversial legal battle with his ex-wife na si Mary Christine Jolly. Very close na rin siya sa kanyang anak na si Austin.
Bago nagtapos ang taong 2014, isang Best Actor trophy ang kanyang nakuha mula sa Metro Manila Film Festival (MMFF) awards night noong December 27 na ginanap sa Plenary Hall ng PICC. Naging malaking hit sa takilya ang kanilang unang tambalan ni Jennylyn Mercado, ang English Only, Please na produced ng Quantum Films ni Atty. Joji Alonso.
Sa pagpasok ng taong 2015 ay may bago siyang movie na pinagtatambalan nila ni Kris Aquino at nag-join forces ang Regal Entertainment, Star Cinema, Kris Aquino Productions, at Quantum Films. Meron ding bagong weekly sitcom sa TV5 si Derek, ang Mac & Chiz na pinagsasamahan nila ng komedyanteng si Empoy.
Balik na rin ang tiwala ng mga advertisers kay Derek at may mga naka-line-up siyang new product endorsements for this year.
Derek looks forward to a more productive year ngayong 2015.
Antoinette at Tom nagtagumpay sa pagbabalik-‘Pinas
Nag-pay off din ang pagbabalik-bayan ng magkapatid na Antoinette Taus at Tom Taus dahil muling nabuhay ang kanilang respective careers sa Pilipinas nang magdesisyon silang bumalik sa bansa noong isang taon.
Si Tom ay may bagong TV show sa TV5, ang Move It: Clash of Street Dancers, isang kakaibang dance competition which he co-hosts with Jasmine Curtis-Smith.
- Latest
