Cristine nagdurusa sa pagkalas ni Derek

SEEN: Pinagpapasa-pasahan sa social media ang video ng report ni Jiggy Manicad sa GMA News TV tungkol sa mga tao na dumagsa noong Biyernes sa Million People March sa Ayala Ave­nue, Makati City.

Ang Tagalog ng human waste ang hindi sina­sad­ya na nasambit ni Jiggy.  

SCENE: Nag-sorry na si Jiggy Manicad sa kanyang pagkakamali: “Mga netizens, sorry naman, nagkakamali din. Cute lang, di po perfect. Peace:)”

SEEN: Ang unang araw kahapon ng Grand Kapamilya Weekend ng ABS-CBN sa Quezon City Memorial Circle ang tunay na dinagsa ng mga tao.

SCENE: Ang pagluluto ng organic food ang current interest ni Mariel Padilla.

Big fan si Mariel ng lahat ng bagay na may kinalaman sa organic food at organic farming.

SEEN: Walang masyadong bago sa ending ng Mu­ling Buksan ang Puso dahil nagtapos ito sa eksena ng pagpapakasal nina Enrique Gil at Julia Montes.

Nagiging maaksiyon ang mga huling araw sa telebisyon ng mga primetime show ng ABS-CBN at pinatunayan ito ng Tayong Dalawa, Minsan Lang Kita Iibigin, Ina Kapatid Anak, at Muling Buksan ang Puso.

SCENE: Mas affected si Cristine Reyes ng sudden breakup nila ni Derek Ramsay.

Ang ugali ni Cristine ang diumano’y isang dahilan kaya nawalan ng gana si Derek sa kanya.

SEEN: Iniwanan na ni Kris Aquino at ng kanyang mga anak ang condo unit nila sa Makati City dahil lumipat sila sa bahay na malapit sa tahanan ng mga kapatid niya.

SCENE: Bukas ang huling araw ng taping ng cast ng My Husband’s Lover ng GMA 7. Ang rehearsals para sa kanilang One More Try concert sa Oct. 12 ang pagkakaabalahan ng cast pagkatapos ng taping nila.