Mga Kung Fu Divas [kono]
CEBU, Philippines - Hala, mga yadzz October na jud! Dili na jud kapugngan! Nagpaabot na jud kong mag-abot abot na ang inyong mga gifts para nako. Ug ayaw jud mo kalimot nga dili jud ko manghatag. Modawat ko sa inyong mga gifts.
Pero ayaw jud mo pag-expect nga duna mo’y madawat gikan nako. Kay never jud nang mahitabo nga manghatag ko. Hala, karon pa lang, paghunahuna na mo’g unsay inyong ihatag nako. Pero maglibog gani mo’g unsay ihatag sa usa ka aging gay writer, modawat ko’g cash, pero dili in easy installment bases, ha Edgar Escalante, Chona Pereyra Escalante, Josie S. Pereyra ug uban pa. Dili sad uso nako ang installment bases. PERIOD. Special mention na sila’s Edgar Escalante, Chona Pereyra Escalante ug Josie Sanchez Pereyra. Kay as usual, cash man jud nang ihatag nila nako. Basta mga Sanchez gani, cash gyo’y ipanghatag [correct, Divine Sanchez Hizon Ngujo ug Quenie Sanchez Bronce?] Ug ayaw mo kalimot, nga isalida na ang movie titled, Kung Fu Divas, ug sila si Ai Ai de las Alas ug Marian Rivera ang mga Kung Fu Divas kono ugma puhon, October 2. Baya no? Kung Fu Divas? So? There is such a thing as Kung Fu Divas na sad diay? Daghag mga kauban sila Ai Ai ug Marian dinhi. Pero wa ko maka memorize.
Na amnesia girl ko kay kini gong mga senior citizen, ma-amnesia man gyod, usahay, or sometimes pod, dili kapugngan, nga antipatiko sa ubang mga artista. Labi na’g makasugat og dili maayong kasinatian, sama atong MomZillas nga duna intawon unta ko’y gustong malimtan. Ugaling lang, kay major star man god. Mao nga nahinumduman gyod ang iyang name. Ayaw lang pod mo’g kalimot nga kini nga movie, ang promo diva [ayan, diva na sad, courtesy of Roger Serna, kay siya’y unang nag-angga og promo diva niya], Josie S. Pereyra. So mention gyod dayon sa movie, aron modako dako ang cash nga ihatag isip pinaskohan, dili ba, Sanden Anadia? [NAGPAPARINIG!] Nagbasa ka ba’g Banat News, Chona Pereyra Escalante?
- Latest
