Partylist ni Andrei

Maayong buntag mga kapatid, mga kapuso, mga kapamilya ug mga kasamba nako sa chapel sa broadcast center sa INTV-CCTN, Channel 47. Dili ko magdugay. Magdali ko. Kining hulagway nga gipakapin nako niining lindog nako ron, usa ni sa mga esenang makita sa mga tawo nga motambong sa 3-DAY Stay in Walk With Jesus Seminar sa Oasis Of Love. Makita dinhi ang usa sa suod kaayo nakong higala nga si  Andrei Badayos. Giisip pod ni siya nakong usa sa labing gwapong sacristan mayor nga akong gikaila. Usa pod siya sa labing gwapong artista sa INTV-CCTN, Channel 47, nga mao pod ang gitawag nga Master of Ceremonies sa Oasis of Love. Kining esenaha, sagad makita sa dayon na gyong sugod. Testingan ang tanang mga sagad gamiton gyod, labi na’g may mga tawo nga dunay kakulian sa panglawas. Kauban dinhi ni Andrei ang usa sa aktibong sakop sa MGS kon Ministry of General Services kinsa, pasayloa, nalimtan nako ang name. Nahisgotan nako ang seminar, kay sa sunod buwan, may seminar na pod. Gitawag kini’g Main Seminar, kay mao man ni ang 3-Day Stay-in seminar.

Pero sa dili pa, hisgotan una pod nato ang eleksyon. Kay si Andrei nga giila nako, nga usa sa dunay maayong attitude sa trabaho, ug usa sa maayo’g relasyon sa media, duna sad diay karo’y usa ka partylist nga gipaluyohan. Mao ang gitawag og Alif Partylist. Twelve years na kono kining maong partylist, pero karon lang konong tuiga sila nag-penetrate dinhi sa Cebu, ug ubang lalawigan sa Kabisay-an. Didto pa una sila mag-concentrate sa Luzon area. Kinsay congressman niini, ug first, second ug third nominee? Ug nganong nasayod ko nga mao ni ang Partylist ni Andrei? Ako ning sumpayan sa Sabado puhon. Mamuhonpuhon ta, okay?