Labad sa Ulo

CEBU, Philippines - Makahasol gyud kung atakihon sa sakit sa ulo busa dunay mga higayon nga dili na ka ganahan mokaon ug maapektohan ang uban nimo nga mga gimbuhaton.

Suma pa sa pagtuon sa Centers for Disease Control and Prevention, 20 percent sa babaye ug 10 percent sa lalaki ang nakasinati og grabe nga pagpanakit sa ulo ug base kini sa survey nga gihimo niadtong 2009. Ang pagkaon sa saktong oras ug paglikay sa stress maoy pipila sa mga pamaagi nga malikay ka sa maong sakit.

Mga pagkaon nga makatabang sa pagpaalim sa labad sa ulo:

Non-Acidic nga prutas

Nagbaha ang nutrients sa prutas busa makatabang kini sa paglikay sa sakit. Importante kaayo nga lig-on ang imong immune system aron malikayan ang pagpanakit sa ulo. Gisugyot nila ni Dr. David R.ug Dr. Laurie Marks nga mokaon og low-acid ug puno sa antioxidant nga mga prutas sama sa strawberries, blueberries, raspberries, kiwi, mango, guava, cantaloupe, pears ug peaches.

Utanon

Pipila sa utanon nga gisugyot naglangkob sa bell peppers, broccoli, Brussels sprouts (tawgui), repolyo, carrots, mga dahon nga utanon, artichokes, asparagus, winter squash ug sweet potatoes (kamote).

Presko nga isda

Minos ang makuha nga tambok sa presko nga mga isda busa makatabang kini sa pagpawala sa labad sa ulo. Suma pa sa mga eksperto nga sila si Larry Trivieri, Burton Goldberg ug John W. Anderson nga kung butangan og ahos ang isda makahulma kini og anti-inflammatory food nga makatabang sa pagpaalim sa labad sa ulo. (Kinutlo gikan sa www.livestrong.com) (BANAT)