Spice Girls giatngan sa closing ceremony

CEBU, Philippines - Gipaneguro sa mga performers alang sa nagkaduol na nga closing ceremony sa London Olympics nga hugyaw ang ilang song ug dance numbers sa maong event.

Usa sa nabatyagan nga puwerting bisiha sa rehearsal mao ang all girl group nga Spice Girls nga gikatahong magtapok og balik alang sa closing ceremony sa Olympics.

Giingong giatngan pag-ayo ang performance sa Spice Girls gumikan kay manganta sila ibabaw sa itom nga taxi cabs.

Ang maong grupo gilangkoban nila ni Melanie Chisholm ("Sporty Spice"), Emma Bunton("Baby Spice"), Melanie Brown("Scary Spice"), Victoria Beckham("Posh Spice"), ug Geri Halliwell ("Ginger Spice")

Samtang nalakip sa mga performers alang sa closing ceremony mao sila si George Michael, Jessie J, Queen guitarist Brian May, Annie Lennox, Tinie Tempah, ug uban pa.

Rafael mobalhinsa GMA

 Ang hunk actor nga si Rafael Rosell maoy gikatahong Kapamilya actor nga motabok sa dili madugay sa Kapuso Network aron himoong usa sa mapares ni Marian Rivera sa pinoy adaptation sa Korean series nga Temptation of Wife.

Una na nga nabalita dinhi sa Banat News Hugyaw sa miaging adlaw nga dunay kapamilya aktor ang mobalhin sa GMA-7 ug mahimong first major project niini ang nahisgutang serye.

Suma pa sa report sa showbiz website nga Starmometer.com nga nahinabi na ni Rafael ang mga kadagkuan sa GMA Network niadtong Huwebes, August 9.

Giingong bag-ohay lang na-expire ang kontrata ni Rafael sa ABS-CBN ug ang serye nga “Dahil sa Pag-ibig” nga gibidahan nila ni Piolo Pascual ug Cristine Reyes maoy katapusang proyekto sa aktor sa maong network.

Matud pa nga mo-guest una si Rafael sa upcoming drama series sa GMA nga “Aso ni San Roque” sa dili pa niya himoon ang “Temptation of Wife.

Gikatakdang mopirma og kontrata si Rafael sa GMA-7 sulod niining semanaha.   

Magtiayon nga matinabangon

Nahimong trending sa nagkadaiya nga social networking sites ang pagtabang sa magtiayong Robin Padilla ug Mariel Rodriguez sa flood victims kung diin ilaha gyud kini nga gipasulod sa ilang balay sa Fairview, Quezon City ug gitagaan nila og mga pagkaon.

Fans modagsa

Gilaumang hugupan gyud ang red carpet premiere sa pelikulang The Reunion karong Martes sa SM Megamall gumikan kay magbaha ang mga sakop sa nagkadaiyang fans club sa pipila sa mga bida sa maong pelikula nga sila si Xian Lim, Enchong Dee, Kean Cipriano, ug Enrique Gil.

Raymond dunay manager sa US

Tsika pa ni Raymond Bagatsing nga duna na siya’y manager nga nakabase didto sa Amerika aron dunay motabang kaniya sa nagkadaiya nga mga audition sa posibleng showbiz projects sa maong dapit busa nagmalaumon siya nga matuman na gyud puhon ang pangandoy niya nga makasulod sa Hollywood.

Enchong sa SG Live

Si Enchong Dee maoy guest co-host ni Sarah Geronimo sa Sarah G. Live! karong gabii ug gikatakda usab siya nga mo-perform alang sa usa ka dance number uban sa Pinoy Big Brother Teen Edition 4   ex-housemates   nga sila si Myrtle , Yves, Ryan ug Karen.

Cogie usa na ka amahan!

Usa na ka amahan ang aktor nga si Cogie Domingo human gihimugso na sa miaging adlaw sa iyang non-showbiz partner ang ilang anak nga babaye ug ginganlan kini og Raina gumikan kay natawo kini panahon sa ting-ulan. Pabilin karon nga gisekreto ni Cogie ang pangalan sa iyang partner.

Dingdong ug Kylie magpares

Magpares sa unang higayon sila si Dingdong Dantes ug Kylie Padilla sa upcoming primetime series sa GMA-7 nga Haram.

Julielmo motabang sa flood victims

Tipik sa kita sa pelikula nila ni Julie Ann San Jose ug Elmo nga Just One Summer idonar sa mga biktima sa baha ug ipaagi kini sa GMA Kapuso Foundation.

Next month mopirma

Sunod buwan ang gikatakdang pagpirma og kontrata ni Lauren Young sa GMA uban usab sa bag-o niya nga manager nga si Pia Magalona.

Concert for a cause

Gihugupan gihapon sa mga tawo ang concert sa grupong Tears for Fears sa Araneta Coliseum niadtong Biyernes sa gabii bisan pa man sa grabe nga pagbunok sa uwan ug tipik sa kita sa maong konsyerto, itabang ngadto sa mga biktima sa baha.

Album ni Julie Anne gipistahan

Nahimutang dayon sa no.1 spot sa online music store nga iTunes ang self-titled album ni Julie Anne San Jose sa GMA Records.