Showdown sa mga big stars

CEBU, Philippines - Maghimo og pelikula ang Star Magic isip presentasyon sa ika-20 niini nga anibersaryo diin bida ang ilang mga dagkong bituon. Lakip sa nakit-an atol sa story conference adtong Domingo sila si John Lloyd Cruz, Piolo Pascual, Diether Ocampo, Bea Alonzo, Angelica Panganiban, Pokwang, Kim Chiu, Gerald Anderson, Maja Salvador, Jake Cuenca, ug Pokwang. Didto pud ang mga bosses nga sila si Johnny Manahan ug Mariole Alberto.

First showbiz boyfriend ni Venus

Wala na itago ni Venuz Raj ang upat na ka buwan nilang relasyon sa TV host ug VJ nga si Andrei Felix. Nagkasuod matud pa sila og maayo ni Andrei sa set sa Umagang Kay Ganda sa ABS-CBN sa milabay nga tuig ug wala na matud pa sila miagi og “ligaw-ligaw,” nagkasinabot na lang gyud sila dayon.

Aprobado si Dennis

Gibutyag ni Bianca King nga nakauyon matud pa sa iyang mommy ngadto sa gidungog nga boyfriend niya karon nga si Dennis Trillo. Kini kay nakita matud pa sa iyang inahan giunsa siya pag-atiman sa aktor.

Tulo ka tuig pa ang huwaton

Tsika ni Valerie Concepcion nga kun ugaling maminyo man siya ngadto sa Sugbuanong basketbolista nga si Dondon Hontiveros, kini mahitabo tulo pa ka tuig gikan karon. Sila si Valerie ug Dondon bag-ohay lang nagbalik.

Sweet bestfriend ni Chard

Giklaro ni John “Sweet” Lapus nga wala siya mangluod sa GMA-7 bisan pa man og taod-taod na nga wala siya igkita sa mga teleserye ug sitcom sa network. Pero giangkon niya nga giusikan siya sa oportunidad. Hinuon balik teleserye na siya pinaagi sa Rancho Paradiso isip bestfriend sa bida nga si Richard Gutierrez.

Rocco naka award na pud

Karon nga midaog na pud siya og laing acting award, miingon si Rocco Nacino nga gisilsil niya sa iyang hunahuna nga kinahanglang dili gyud mudako ang iyang ulo niining maong mga kalampusan karon. Kay kun mahitabo kini, dinhi magsugod ang iyang paglagapak paingon sa ubos. Si Rocco maoy midaog sa Breakthrough Performance by an Actor award sa 9th Golden Screen Awards para sa pelikulang Ang Sayaw ng Dalawang Kaliwang Paa. Midaog pud siya sa 28th Star Awards for Movies isip New Movie Actor sa milabay nga semana.

Best Actor na pud

Mapasigarbuhon ug mas ganado matud pa mutrabaho si Edgar Allan de Guzman karong mga panahona human siya midaog isip Best Actor sa 9th Golden Screen Awards adtong Sabado. Ang pelikula niyang Ligo Na U, Lapit Na Me maoy naghatag niya og acting trophy, diin nagtigi sila ni Mart Escudero nga midaog pinaagi sa pelikula nga Zoombadings: Patayin Sa Shokot Si Remington. Unang nahimong best actor si Edgar sa Cinemalaya 2011 para sa Ligo Na U gihapon.

Jay R nagpatugatuga

Si Jay R maoy nangatubang sa press adtong Domingo para sa iyang bestfriend nga si Kris Lawrence nga buot pangayuan og reaksyon sa pagsabak ni Katrina Halili. Kini kay kalit lamang nga nawala si Kris paghuman sa Party Pilipinas. Pero dihang gipangutana na si Jay R kabahin sa panagbuwag nila ni Krista Kleiner tak-om na ang baba niini.

Carla bungangera!

Mismong si Carla Abellana ang mibalibad nga magpa-tattoo sila sa iyang uyab nga si Geoff Eigenman og managsama nga design. Kini kay bisan usa na ka tuig ang ilang relasyon, may mga kabalaka pa gihapon siya. “Madami siyempre. ‘Yung fear na hindi mag-work in the end, di ba? Pero nasa sa amin naman ‘yon. We take it one day at a time. Ginagawa namin is to make it work and not the other way around!” nagkanayon siya.

Dili siya maoy nagda sa ilang relasyon apan matud ni Carla “Ako ‘yung mabunganga! Ha! Ha! Ha! Siyempre lalaki siya. Alangan naman siya ang masalita!”

Si Carla ang matang sa babaye nga magdugay gayud ang usa ka relasyon. “Hindi naman ako ‘yung laru-laro lang when I enter into a relationship. Seryoso ako, di ba? I enter into a relationship hoping it’s for keeps! Everything you do is save the relationship and everything is sacred! The longer, the better!” rason pa sa bag-ong babaye sa kinabuhi ni Richard Gutierrez sa bag-ong GMA soap nga Makapiling Kang Muli