Pinoy bands at artists magsasama-sama sa 'Lakas Banda, Lakas Pinas'
MANILA, Philippines - Magsasama-sama ang lakas ng bawat Pilipino ngayong Biyernes (Nov. 11), 6:00 p.m. para suportahan ang mga atletang magtatayo ng bandera ng Pilipinas sa 2011 Southeast Asian Games sa Jakarta, Indonesia na magbubukas din sa araw na ito.
Makilahok sa Lakas Banda, Lakas Pinas: Ako ang Simula The Concert, 6:00 p.m., sa University of Santo Tomas (UST) Open Field sa pangunguna ng public service program na Ako ang Simula at hosts nito na sina Karen Davila, Anthony Taberna, at Atty. Pochoy Labog.
Makipagrakrakan na sa paborito ninyong mga Pinoy band at artist tulad ng Imago, Barbie Almalbis, Tanya Markova, Peryodiko, Itchyworms, Malay, Kamikazee, The Dawn, Rocksteddy, Bayang Barrios at Pedicab at marami pang iba.
Makiki-jamming din ang Pilipinas Got Talent 3 shadow play act El Gamma Penumbra, orginal Pinoy rappers Kiriko, at singing teen heartthrob na si Khalil Ramos.
Para makanood, i-like lang ang Ako ang Simula Facebook page sa www.facebook.com/aasTV. I-print ang pinakahuling activity sa inyong wall na nagsasabing ni-like mo ang nasabing page at ipakita ito bilang ticket kasama ang inyong valid ID sa concert entrance. Maaari ka ring mag-walk in sa araw ng concert dala ang inyong valid ID. Magbubukas ang gates sa ganap na 4 p.m.
Ang Lakas Pinas ay isang malawakang kampanya ng ABS-CBN bilang suporta sa Philippine team sa SEA games. Mapapanood ang laban ng Pilipinas sa basketball at football games sa coverage na hatid ng Studio 23.
- Latest