Higante-seryeng Bangis ng TV5 nagbibigay ng aral!
MANILA, Philippines - Nakilala na ang bagong best friend ng bayan na si Bangis—isang dambuhala ngunit mapagmahal na prehistoric creature. Hindi man pangkaraniwang nilalang, pihadong mapapamahal ka naman sa kabutihan at busilak na puso ng matalik na kaibigan na ito ng batang si Eboy, na gagampanan ng bagong child actor na si BJ Go.
Magtuturo rin ito nang magandang aral sa mga bata at sa buong pamilya ang higante-seryeng ito ng TV5, tulad ng pagmamahal sa alagang hayop, sa kaibigan at sa kalikasan.
Si Anjo Yllana ang magbibigay-boses sa karakter ni Bangis. Ipinakikilala rin ng serye ang mga cast nito kabilang sina Oyo Sotto, Danita Paner, Felix Roco, Wendy Valdez at Rodjun Cruz. Kasama rin sa Bangis sina Yul Servo, Miriam Quiambao, Katherine Luna, Bayani Agbayani, Marissa Sanchez, CJ Caparas, Jazz Ocampo, Mavi Lozano, Mr. Danny Javier, at Ms. Tessie Tomas. Matutunghayan din ang mga batang aktor na sina Gerald Pesigan at Junyka Santarin.
Napanood na ito simula noong Lunes (Hulyo 4) sa Primetime Panalo ng TV5.
- Latest
