Xian Lim tutulong sa mga estudyante ng kindergarten

MANILA, Philippines -  Matapos makipag-sabayan sa aktingan sa Katorse at Minsan Lang Kita Iibigin at pabilibin ang madlang people sa kaniyang mga sample bilang guest judge ng Showtime, magsisilbing tagapagsalita naman ang multi-talented na aktor na si Xian Lim sa isang kampanyang ilulunsad ng ABS-CBN Integrated Public Service at Department of Education. Dito mangunguna si Xian sa pangangalap ng mga laruan para sa mga batang magki-kindergarten ngayong Hunyo. Layunin nilang ma-inspire ang mga kabataan na maging mapagbigay at bigyan ng halaga ang edukasyon. Kasama rin dapat ni Xian ang yumaong aktor na si AJ Perez sa proyektong ito.