Arestado Aguilera langung-lango sa alak

MANILA, Philippines - Arestado si Christina Aguilera kasama ang dyowang si Matthew Rutler dahil sa sobrang kalasingan. Nahuli ang boyfriend ng singer nang magmaneho ito ng lango sa alak. Nakalabas ng kulungan matapos magpiyansa ng $5,000, ayon sa report ng AP.

Public intoxication naman ang kay Christina na ayon sa mga nakakita ay “unable to take care of herself.” Pinalabas din ang big star nang makitang “was able to navigate and think on her own” na siya pero dumaan pa rin sa fingerprinting at napunta sa selda. Wala naman siyang kaso, ayon sa spokesman ng L.A. County Sheriff na si Steve Whitmore.

Base sa mga detalye, nadiskubre ang pagka-lango ni Christina dahil sa pagkakaaresto ng dyowa niya pero matagal nang napapansin ang kaibahan nang ikinikilos ng sikat na singer pagkatapos nitong makipag-diborsiyo sa asawa.