Mga artistang naka-wangwang sumuko sa kampanya ni P-Noy
Sa totoo lang, walang masyadong isyu ngayon sa showbiz at puro galing sa presscon ang news tungkol sa mga artista.
Maingat na rin kasi ang ibang mga celebrities. Low profile ang drama nila dahil ayaw nilang makalkal ang kanilang mga pribadong buhay.
Hindi na masyadong pinag-uusapan ang paghihiwalay nina Kris Aquino at James Yap. Nasawa na rin ang mga tao sa drama ng buhay ng magdyowa. Pinaglalaruan na lang nila ang sitwasyon dahil pati ang name ni Hope Centeno, nauungkat uli.
The who si Hope? Siya ang girl na nag-claim na nakarelasyon ni James noong konektado pa siya sa Belo Medical Clinic.
Unfair na ungkatin pa ang nakaraan nina James at Hope dahil matagal na itong nananahimik. Let’s hope na huwag nang kalkalin ang naging bahagi ni Hope sa buhay ni James.
* * *
Hindi ibinibigay sa akin ng isang actor/politician ang kanyang contact number. Afraid siguro ang actor/politician na kulitin ko siya tungkol sa relasyon niya sa isang popular actress.
Nagkakamali ang actor/politician kung ’yon ang akala niya dahil wala akong balak na makisawsaw sa lovelife nila. Tama na ’yung alam ko ang tunay na estado ng kanilang relasyon!
* * *
May mga artista na apektado ng panghuhuli ng mga traffic enforcers sa mga motorista na gumagamit ng wangwang.
Maaga na silang gumigising para hindi ma-late sa kanilang mga appointments at showbiz commitments.
Nagkusa ang mga artista na tinutukoy ko na alisin ang mga wangwang sa kanilang mga sasakyan bilang pakikiisa sa kampanya ni President Noynoy Aquino.
* * *
Nadagdagan ang paghanga ko kay Sarah Geronimo nang malaman ko na ito ang nag-make up sa sarili niya nang umapir siya kahapon sa presscon ng Hating Kapatid.
Gandang-ganda ako kay Sarah kaya ang akala ko, isang professional makeup artist ang naglagay ng make-up sa kanyang face. Hindi pala dahil siya mismo ang nag-make-up sa sarili.
O ’di ba, napaka-professional ni Sarah? Hindi siya kagaya ng ibang artista na umaasa sa ibang tao. Sila ’yung mga prima donna na hindi mapapapunta sa isang okasyon kung walang mahusay na make-up artist na magpapahid ng kolorete at punda sa kanilang mukha!
Dahil marunong mag-make up si Sarah sa sarili, nakatipid siya ng oras at datung na ibabayad sa isang professional make-up artist!
Bago ko makalimutan, showing sa leading theaters ang Hating Kapatid na isang feel-good movie kaya nararapat na panoorin ng madlang-bayan. Ang Hating Kapatid ang last movie ni Judy Ann Santos bago niya isilang ang baby boy nila ni Ryan Agoncillo.
- Latest
