Jolina pinanindigan ang pagiging 'Gaga'

Seen : Talo ang Filipina boxer na si Ana Julaton sa laban nila ni Lisa Brown. Si Brown ang nag-uwi ng WBA Female Super Bantamweight crown. Ginanap kahapon sa Ontario, Canada ang boxing fight nina Brown at Julaton.

Scene : Nagmistulang back-up singers ni Jolina Magdangal sina Jennylyn Mercado at Glaiza de Castro sa kanilang song number sa Party Pilipinas. Pinanindigan ni Jolina ang pagiging Lady Gaga ng Pilipinas.

Seen : Ang fans na hindi nakapasok sa SRO studio ng Party Pilipinas.

Scene : Mga mukhang tomboy ang tingin ni DJ Mo sa mga member ng U-Kiss, ang Korean boyband na nag-guest kahapon sa Party Pilipinas.

Seen : Si Laurice Guillen ang direktor ng unang episode ng Claudine, ang drama anthology ni Claudine Barretto sa GMA 7.

Scene : Hindi sinipot ni Justin Timberland ang after-party sa Encore Bar. Naging mailap si Justin sa fans at local media.

Seen : Iniuwi ni Cesar Montano sa bahay nila ang urn na naglalaman sa abo ng kanyang anak na si Angelo. Balot na balot ng kalungkutan ang mukha ni Cesar sa cremation kahapon sa katawan ni Angelo.

Scene : Hindi nag-react si Senator Loren Legarda sa balita na nagkaroon ng breast enhancement procedure noon si President Gloria Arroyo. Kuntento si Senator Legarda sa kanyang dibdib. Wala raw siyang balak na magpadagdag.