CPDRC inmates nataypan og Hollywood blogger

CEBU, Philippines – Mismong ang sikat nga Hollywood celebrity blogger nga si Perez Hilton ang miduso sa labing bag-ong sayaw sa mga inmates sa Cebu Provincial Detention Rehabilitation Center hinungdan nagkadaghan na ang mitan-aw niini sa You Tube. Jai Ho, ang soundtrack sa Oscar winning movie nga Slumdog Millionare maoy gisayaw sa inmates niadtong Mayo 30 ug mao na karoy makita sa You Tube ug uban pang blogs. Hugyaw ang performance sa inmates tungod kay sa dili pa sila mosayaw mopakita una sila og eksena diin nagkita ang mga bida nga sila si Jamal Malik ug Latika.