Belo Medical Group hindi apektado sa sex scandal
Hindi nangyari ang inabangan ng press na pagkikita nina Katrina Halili at Dr. Vicki Belo sa re-launching ng Flawless na ginawa sa Blue Leaf Events Pavilion sa The Fort dahil hindi dumating ang sexy actress. Pinayuhan daw si Katrina ni Atty. Raymund Palad na ’wag munang humarap sa media. Wala rin ang actress sa presscon ng Dalaw at mukhang hindi rin darating sa presscon ng Bench this week or next week.
Sabagay, hindi lang si Katrina sa mga endorsers ng Flawless ang wala dahil ’di rin sumipot sina Judy Ann Santos, Mark Herras at Richard Gutierrez na nagpapagaling pa. Sina Yasmien Kurdi, Alyssa Alano, Butch Francisco at Lorna Tolentino lang ang rumampa sa magarbong affair.
Ipinalabas sa re-launch ang bagong TVC ng Flawless featuring its endorsers at nag-speech ang CEO at managing director na si Rubby Sy. Directed by GJ Bleechmore ang TVC na managing partner at lead director ng Thrillseekersfilm.
* * *
Co-owner si Dr. Vicki ng Flawless, kaya dumating ito sa Blue Leaf kasama ang lawyer na si Atty. Adel Tamano, kapatid na lalaki at mga anak na sina director Quark Henares at Crystalle Henares at nakita rin namin ang ex-husband ng doktora na si Atom Henares.
Tinanong si Dr. Vicki kung ano ang gagawin kung magkita sila ni Katrina?
Mabilis na sagot niya, “Okay lang! Walang problema, wala akong kasalanan sa kanya.”
Hindi isyu kay Dr. Vicki na isang endorser si Katrina ng Flawless at sabi pa nito, “Partner lang ako and if my partner thinks na makakatulong si Katrina para sa Flawless, why not?”
Masaya ring ibinalita ni Dr. Vicki na hindi apektado ang Belo Medical Group sa sex scandal nina Katrina at Dr. Hayden Kho. Wika niya: “The business is not affected, thank God. We are the victims here, we’re not the bad guys. The bad guys are the ones who distributed the videos. “We will find out who they are and we will run after them.”
Sa tanong kung ano ang gagawin niyang mga hakbang, heto ang sagot ng kontrobersiyal na cosmetic surgeon: “I’ll just continue doing what I have to do. I’ve got nothing to hide. I’ve done nothing wrong. You know naman that I’ve been through so much already but this is the most painful one so far. I’m trying to see the silver lining in all this. It’s very painful for everybody and I’m just trying to learn the lessons from all that’s happened. The lesson is not really for me, it should help our lawmakers to pass a law on this.”
Maintriga ang panghuling message na binitawan ni Dr. Vicki, pero wala siyang binanggit na pangalan.
Aniya, “Kung alam n’yong may girlfriend ang tao, ’wag mo nang bisitahin sa condo n’ya at makipag-sex. You shouldn’t go there and try to steal…”
Natawa ang press sa pabirong sagot ni Quark nang tanungin kung sino ang kasama nila sa kanilang bakasyon, ang sagot, “Si Dr. Hayden Kho! Joke.”
Ayaw namang magsalita ng daughter na si Crystalle tungkol sa controversy at sinabi lang niya na hindi apektado ang business nila’t personal ang isyu sa ina at kay Dr. Hayden. Ibinalita rin nitong this Tuesday ang alis nila at bukod sa Paris, pupunta sila sa UK at dideretso sa Rome ang ina niya para mag-shoot ng show nito para sa TFC at kung saan, may segment din siya.
* * *
Lumabas din pala ng Asian Hospital si Richard Gutierrez kahapon para bumisita sa wake ni Nomar Pardo, ayon ito sa K-text ni Ruffa Gutierrez. Heto ang buong message:
“Chard clearly is still in a state of shock and traumatized by the accident. Tulala, malungkot, ’di ngumingiti. He’s been praying a lot and reading the Bible. He went to visit Nomar’s wake with us last night and stayed for a few hours. Nomar looked so handsome and at peace. Tears were overflowing. Mom passed around white envelope and asked everyone to give any amount para dagdag tulong sa mga anak ni Nomar. Maraming naging generous, thank you sa lahat.”
- Latest
