Katrina motago sa Amerika?

Molarga si Katrina Halili sa Amerika. Pero giklaro sa beteranang kolumnista sa PangMasa manay Lolit Solis nga dili ang isyu niini ug ni Hayden Kho ang rason sa maong paglupad ni Katrina. Dugay na matud pa nakaplano ang maong byahe ni Kat sanglit duna siya’y higala nga midapit niya aron adto mag-New Year sa Amerika, diin libre siya tanan sa gasto.

“Sino ang tatanggi sa libreng US trip? Makakatulong ang pagpunta ni Katrina sa US of A para pansamantala niyang malimutan ang eskandalo na kinasasangkutan niya. In fairness kay Katrina, hindi siya nag-deny at hindi rin niya inamin ang isyu. Basta ang sey niya, nag-usap na sila ni Dr. Vicki Belo. Kung ano ang kanilang mga napag-usapan, hindi na niya ikinuwento kaya lalong na-curious ang madlang-people,” nagkanayon si Manay Lolit.

Paolo gidaog-daog sa billing

Dili pa sigurado si manay Lolit Solis kung pasakyon ba niya ang iyang talent nga si Paolo Contis sa float sa One Night Only sa Parade of Stars karong hapon. Kini tungod kay matud pa niya, gidaog-daog ang iyang alaga sa billing sa nahisgutang filmfest entry sa OctoArts Films, bisan pa man og daghan ang midayeg sa acting ni Paolo ug Alessandra de Rossi niining maong pelikula. Samtang milupad na si Alex sa Italy niadto pang Lunes sa gabii sanglit adto siya uban sa iyang pamilya mag-pasko.

Valerie murag di kakuyog sa parada

Gidayeg pod ang acting ni Valerie Concepcion alang gihapon sa One Night Only. Pero milagro ang iyang gikinahanglan aron makasakay siya sa float sa maong pelikula ug makakuyog sa parade. Kini tungod kay live ang Wowowee hangtud alas tres samtang alas dos magsugod ang Parade of Stars karong hapon.

LT wa kapugong sa kaugalingon

Tsika ni Lorna Tolentino nga gipugngan niya ang iyang kaugalingon aron dili makahilak samtang nagtan-aw sa pelikulang “Kaibigan.” “Feel na feel ni LT ang mga madamdaming tagpo ng pelikula dahil naalala niya ang kanyang asawang si Rudy Fernandez. Relate na relate si LT sa kuwento ng Magkaibigan dahil inspired ito ng kuwento ng friendship nina Daboy at Jinggoy Estrada,” tsika pa ni Manay Lolit.

Suma pa nga gitanyag ngadto kang LT ang role ni Dawn Zulueta isip asawa ni Christopher de Leon kinsa dunay cancer sa pelikula, pero mibalibad kini.