Ruffa, La Greta mitambong sa party ni Bong

Birthday wish ni Lani Mercado para sa banang Bong Revilla kay good health ug nga makagahin na kini og oras para mopahuway kay puros lang kini trabaho.

Aning puntoha, malipayon si Lani kay okay na sila human sa mga kontrobersiya sa ilang kinabuhi ug sa mga artistang nakabangi nila lakip silang Gretchen Barretto ug Ruffa Gutierrez nga miabot sa party sa senador niadtong milabay nga gabii.

Pwes, pangutana sa PangMasa kinsay mitawag ni Greta para imbitahon? Sey ni Lani, “pinaimbita naman sila, talagang nasa guest sila, hindi ko kasi alam ang numbers nila, so pinautos ko kay Gorgy (Rula, columnist) na invite sila for us. Tapos, sumagot naman sila. Wala kasi akong cell phone number nila.”

Nag-uli na sila ni Greta, ug ni Ruffa.

Ang medyo kulang na lang kay si OMB Chairman Edu Manzano nga mahinumdumang nakabangi ni Sen. Bong.

“Ayan, siguro, ‘yun na lang. He was invited, tinext ko si Tita Junne (Rufino, manager ni Edu) kaya lang, wala si Edu, nasa Amerika siya.”

Positibo si Lani nga kung nia pa sa nasud si Edu, sigurado nga motambong kini kay wala naman silay problema.

Tyron nagnilabad?

Gireklamo ang Starstruck Avenger nga si Tyron Perez sa pagka- uncooperative niini sa production people sa digital film nga Room 213.

Ang tinubdan sa PangMasa nagkanayon nga, sakit sa ulo si Tyron kay ikapila nila giayo ang schedule para sa pictorial ug promo sa Room 213 pero wala kini mitunga ug pirming excuse ang pag-kabusy niya.

Usa ka sexy movie ang Room 213 nga ubos sa direksyon sa New York-based director nga si Keith Sicat (nga nagdirek sa indie film nga Rigodon) diin bida silang Allen Dizon, Gwen Garci, Tyron Perez ug ang newcomer nga si Maricar dela Fuente. Daghang eksena si Tyron sa maong movie nga sobrang daring ug nalabwan pa niya ang mga gihimo niya sa gibidahan niyang pelikulang Twilight Dancers niadtong 2006.

Pero tungod sa gipakitang unprofessionalism ni Tyron, gipagamyan na lang ang iyang billing ug migawas nga supporting na lang siya. Bisan sa poster sa Room 213 migawas nga bida si Allen. Ug sa mga gipanghatag nga publicity materials, si Tyron lang ang walay litrato.

Gipangutana sa PangMasa ang GMA Artist Center kung kahibalo ba sila nga adunay ingun ani nga proyekto si Tyron. Pero tubag nila nga dugay nang walay kontrata si Tyron sa GMAAC maong wala na silay labot sa maong project ug sa pagka- unprofessional ni Tyron.