After 11 yrs. magku-concert ang Parokya

Matagal nang hini­hiling ng kanilang mga fans na magtanghal ng isang major concert ang Parokya ni Edgar. Nga­yong mahigit isang de­kada na sila sa in­dus­tri­ya ng musika, saka pa lang pumayag ang banda.

Mapapanood ang kanilang Matira Mati­bay (Pyesta sa Parok­ya) The Concert, sa Tanghalang Balagtas (Folk Arts Theater), Agosto 31 (Biyernes), kasama ang Kami­ka­zee, Gloc9, Sponge Cola, Urbandub at Moon­star88 bilang special guests.

Sa 11 taon ng Pa­rok­ya na namamayani sa in­dustriya ng musika, nakapaglabas sila ng siyam na albums at napagkalooban ng apat na triple platinum, li­mang double platinum, walong platinum at 10 gold record awards. Ka­sama rito ang “Kami­nAPO Muna” album na isa sa mga banda ku­manta ang Parokya.

Nakalimang US tours na ang Parokya at nakapagtanghal na rin sila sa iba’t ibang bansa. Ang kabuuang benta ng kanilang plaka ay lam­pas ng 700,000 units!

Bukod sa maraming Awit Awards mula sa Philippine Associa­tion of the Record In­dustry (PARI), NU Rock Awards at Katha Awards, pinagka­lo­o­ban ang Parokya ni Ed­gar ng 1999 MTV­South­east Asia View­ers Choice at 2004 MTV Asia Favorite Art­ist-Philippines trophies.

Sa dami ng kanilang mga parangal na ti­nang­gap at benta ng kanilang albums, binan­sagan nga ang Parokya ni Edgar ng Pamban­sang Banda ng Pili­pinas.

Nabuo ang Parokya, 13 taon na ang naka­lipas. Ang kanilang mga myembrong: Chito Mi­randa, Darius Se­ma­na, Dindin Moreno, Gab Cheekee, Vinci Mon­ta­nor at Buwi Me­neses ay hinahangaan kahit saan magtanghal. Ma­sa­ya kasing lahat ang mga palabas ng Pa­rokya at ang kanilang mga kanta ay kinalug­dan ng mga tao from all walks of life.

Noon ay namaalam sa banda si Vinci dahil ina­asikaso ang kanilang family business at pag­ta­tapos ng college. Sa con­cert nila sa FAT, sa Agosto 31, inaasahan ng kanilang mga fans na ito na ang pagbabalik ni Vinci sa banda. Madalas din naman sumali sa mga show ng Parokya si Vinci pero pasulput-sul­pot lang.

Kahit na sa kanilang mga commercial en­dorse­ments tulad ng Nescafe at Mang Tomas ay kasali si Vinci. Nan­doon kayang muli ang isa pang vocalist ng ban­dang si Vinci sa Folk Arts at palagian na si­yang ma­kakasali sa lahat ng tug­tog ng banda?

Ang live concert na ito ng Parokya ay ma­sasabing selebras­yon ng kanilang mu­sika sa piling ng ka­nilang mga tagahanga. Kaya na­man very affordable ang mga tickets at P650, P520, P390 at P195; na mabibili na sa Ticket­world (811-9999, sa mga National Book­store branches at SM Megamall.

*  *  *

Kagagaling lang ni Jed Madela sa WCOPA, Hollywood kung saan isa siya sa mga naging hu­rado. Pagdating sa ban­sa, inasikaso niya agad ang pangakong itutuloy ang “Only Hu­man” album mall tour.

Napanood agad siya sa SM The Block kaha­pon. Ngayong Linggo, magtatanghal  si Jed Madela ng libre sa SM Dasmariñas, 5NH. Ma­nood kayo at meron pirmahan ng autograph, pagkatapos ng show.