Wagi ang ‘Paano...’ pero bakit iniyakan ito ni Direk Joyce?
Challenging sa buong cast ng Tiyanaks (Regal Entertainment) ang pelikula at kung ano ang resulta nito sa box office dahil ang naunang Tiyanak noon nina Ramon Christopher at Lotlot de Leon ay isang monster hit at ginawan pa uli ni Mother Lily Monteverde ng spoof kaya naging Anak ni Janice.
Sabi ay part two ang Tiyanaks dahil nga tatlo na silang kumikilos unlike sa part one na iisa lang. Ang esplika ni direk Mark Reyes sa Tiyanaks ay mga fallen angel ito na pinarusahan ni God at naging masamang elemento.
Namumukod tanging si Lotlot lang ang nasa original cast ng Tiyanak and the rest ay pawang bago na tulad nina Mark Herras, Jennylyn Mercado, JC de Vera, Jill Yulo (na ayon kay direk Manny Valera ay next big superstar in Asia), Ryan Yllana, Alwyn Uytingco, Karel Marquez, Andrei Felix, TJ Trinidad, Mika dela Cruz, Nash Aguas at Rica Peralejo.
Aminado si direk Mark na marami rin siyang iniba sa istorya since pangalawang yugto na ito.
* * *
Gaano katotoo na nag-iiyak daw ang director ng Paano Kita Iibigin na si Joyce Bernal sa mga kaibigan niyang director sa ABS-CBN?
Narinig ng aming source na taga-Dos na hindi raw satisfied ang ilang nakapanood sa istorya ng nasabing pelikula nina Piolo Pascual at Regine Velasquez dahil kung saan-saan daw napunta ang kuwento.
Hindi naman daw bumaba ang kita ng movie, pero affected daw si Joyce sa comments ng mga nakapanood.
At dahil depress-depressan ang drama ni Bb. Bernal ay niregaluhan daw siya ni Songbird ng mamahaling laptop.
Tinanong naman namin ang taga-Star Cinema tungkol sa isyung ito tungkol kay Joyce pero wala raw silang alam at as far as they are concerned, maganda ang kinikita ng Paano Kita Iibigin.
* * *
Hindi pa binabanggit sa amin ng taga-News De partment kung sinu-sino ang mga staff ng nasabing departamento ang binigyan ng memo ni Maria Ressa dahil naglabas sila ng mga pinag-usapan sa meeting tungkol sa nalalapit na pagri-reformat ng Magandang Umaga Pilipinas.
Base sa kuwento sa amin, “Mautak talaga si Maria Ressa dahil iniiba-iba niya ang kuwento sa bawat taong kausap niya kung sinu-sino ang mga papalit kina Julius Babao at Tintin Bersola as main hosts para sa ganun ay mahuhuli niya kung sinu-sino ang mga naglabas ng isyu. Against nga naman ‘yun sa code of ethics ng nasabing department.”
As of this writing ay hindi pa pala sure si Edu Manzano as main host ng programang kapalit ng MUP dahil malaki raw ang hinihinging talent fee ng manager ng aktor/TV host. – REGGEE BONOAN
- Latest
