Buhok ni Piolo minana ni Juday

Long hair si Piolo Pascual sa reunion movie nila ni Judy Ann Santos, Don’t Give Up On Us under Star Cinema. Kailangan daw kasi na long hair siya sa nasabing movie dahil acoustic singer ang role niya.

Pero hindi all the time ay nakalugay ang hair tulad nang makikita sa mga poster and publicity photos ng pelikula. Opposite ‘yun kay Juday na short hair sa kanilang movie together after three years.

May ilan kasing pumapansin na parang hindi gaanong bagay kay Piolo ang long hair.

Pero hair extension lang naman ang nasabing hair kaya ‘wag mag-alala ang fans na forever nang long hair ang actor. Ngayong tapos na ang movie, back to normal si Piolo. Maiksi na uli ang hair niya. Tinanggal na ang nasabing hair extension.

Pero alam n’yo ba kung nasaan na ang tinanggal na hair extension, guess - si Judy Ann naman ang nagmana ng hair. Say ni Tito Alfie Lorenzo, manager ni Juday, ang alaga naman niya ang kailangang mag -ong hair sa teleseryeng ginagawa rin nilang dalawa, Sa Piling Mo na ayon kay Tito Alfie ay starting February pa mapapanood sa ABS-CBN.

Oh at least nga naman, naghiraman ng hair sina Piolo at Judy Ann.

Anyway, maraming beses palang napalitan ang title ng movie. Aubrey ang unang suggestion. Second ang Together Forever, Loving Me and Love Me Again bago tuluyang na-settle sa Don’t Give Up On Us.

Matagal-tagal na ring hinihintay ng mga fans ang pelikulang ito ng magka-loveteam kaya wala na silang care sa title. "I myself have been waiting for this moment," say ni Piolo.

Kung noon, purely pa-kilig at pa-cute ang ginawa nila, this time may kilig appeal pero parang unique ang character ni Juday.

Siya si Abby, a domineering and crankly woman samantalang si Piolo naman si Vince, isang hunky and long-haired aspiring singer. Nagkita sila nang pareho silang magkahiwalay na nagso-soul searching sa Baguio and Sagada. Na-develop hanggang maging close at magkakakilanlan.

Maraming turns and twist ang story na siyempre ay hindi puwedeng ikuwento - dapat panoorin n’yo sa sinehan para malaman ang buong story.

Base sa trailer, parang in love na in love si Juday kay Piolo. Parang hindi dati nagkaroon ng issue sa kanila at parang hindi super in love si Juday kay Ryan Agoncillo ngayon.

Sobrang may kilig kasi ang trailer ng movie nila, in fairness. Kaya nga nakaka-excite panoorin.

Tapos si Direk Joyce Bernal pa ang nag-direk ng movie. Of course, alam naman nating lahat na si Direk Joyce ang responsible sa mga mega-successful na kilig movie ni Regine Velasquez at ilang previous project nina Juday and Piolo.

Ang Don’t Give Us On Up ang first movie na ipalalabas sa year 2006 after ng Metro Manila Film Festival.

Also in the movie are Hilda Koronel, Tommy Abuel, Rio Locsin, Marjorie Barretto, Marco Alcaraz, Cheska Garcia and introducing JC Cuadrado.

* * *

Hindi lang sa ibang bansa sikat ang grupong Il Divo, ngayon ay sure akong kahit dito everybody knows them dahil sa amazing success story na nagsimula sa eagerly anticipated new album nilang, "Ancora," (meaning Encore).

Naging instant hit ang grupo nang mapanood sila sa mga popular shows sa Amerika - Parkinson ang Oprah. In fairness kasi, ang gagaling nilang kumanta nang mapanood ko sa Oprah.

After ng nasabing appearance, na-reach nila ang no. 1 sa UK, selling 1.4 million copies at naunahan ang album ni Robbie Williams.

Since last year, 12 hits songs na ang nagagawa nila mula sa kanilang debut album hitting the chart’s Top 5 sa 23 countries including the Philippines. To date, almost four million na ang nabenta nilang album.

Anyway, sa "Ancora," may original music and well known tracks, both old and new. Binigyan nila ng ibang tunog ang "Hero" ni Mariah Carey, ang "Unchained Melody" ay may tunog na refined classical twist sung in Spanish and Italian respectively. Ang "I Believe In You" ay duet ng II Divo with Celine Dion (combination of English and French) among others. Narinig ko na ang songs sa album at perfect gift ito for Christmas.

* * *

Salve V. Asis’ e-mail - [email protected]