Kris Aquino, magpi-pictorial sa Greece

Nari-recognize na pala ng ibang bansa ang mga achievement ni Optical Media Board Chairman Edu Manzano.

Maging si US Ambassador Francis Ricciardone ay na-mention ang tungkol sa trabaho ng OMB. Ayon kay Ambassador Ricciardone, Manzano is "working hard and making progress to protect the intellectual creativity of Filipinos against theft and by doing so are also protecting the interests of foreign investors who want to invest to make Philippines a source for creating intellectual property."

Maging ang Motion Picture Association — si Mike Ellis, senior vice president and regional director, Asia Pacific ay nag-express ng appreciation sa achievement ng OMB sa loob ng six months. Particular nilang na-mention sa isang letter ang dalawang beses na raid sa Quiapo kung saan nakumpiska nila ang halos one million pirated optical discs. Sabi nga ni Edu noon, ang nasabing raid na yata ang pinaka-malaki sa lahat ng mga umupong chairman ng OMB.

"With more than 550 people involved it was truly a fantastic effort, and you have the sincerest thanks not only of the MPA, but also of our member companies both in the Philippines and globally," sabi sa isang letter ng MPA kay OMB Chairman Manzano.

At least, tahimik palang mag-trabaho si Edu. Sinasabi naman kasi niya noon na mas particular siya sa mga accomplishment kesa sa mga press releases.

By the way, Chairman Edu, pinatatanong ni Navotas Mayor Toby Tiangco kung puwede mo raw i-raid para i-check ang hawak na CD ni Press Secretary Ignacio Bunye — yung tape na supposedly ay wire tapped conversation ni Presidente Arroyo at isang COMELEC commissioner. Kasi obviously daw pirated yun dahil sinasabi ng dating NBI official na nasa kanya ang original copy.

May point nga si Mayor Toby. Kasi nga si Sec. Bunye ang isa sa mga unang nag-play ng tape.

Hahaha. What do you think Chairman Edu?

* * *

Isang on line reader ng PSN ang nag-tsika na tungkol sa grupo ng Return of the Champions nina Sarah Geronimo, Mark Bautista, Christian Bautista, Rachelle Ann Go, Frenchie Dy, Sheryn Regis and Raymund Manalo. Kuwento niya sa isang e-mail, sobrang sweet daw nina Rachelle at Christian. Parati raw magka-holding hands. Minsan nga raw, nadi-distract na sila sa sobrang sweet ng dalawa.

Well, kahit naman no’ng bago sila umalis, naging open si Christian sa feelings niya kay Rachelle. Sabi pa nga nito, wife material daw si Rachelle.

* * *

Kung noon may Universal Dancers at Streetboys, ngayon may Freemale Dancers. Cutie ang mga member ng nasabing dance group na sina Josh Valdez, Willy Balingit and Bambbi Fuentes ang nagma-manage. Yes folks, ang beauty expert na si Bambbi ay nagma-manage na rin. Actually, parang past time niya lang ang pagha-handle dahil naka-concentrate naman talaga siya sa mga negosyo niyang hair and make up center na madadagdagan na ng branch next month. Mago-open na sila ng branch sa may Recto area, sa may University Belt. Since ang target market nila ay mga student, mas cheaper ang rate ng bagong branch ng Bambbi Fuentes Hair and Make Up center.

Si Bambbi ang favorite make up artist ni Kris Aquino. Kung bakit always beautiful si Kris, si Bambbi yun.

Kaya kahit nasaan si Kris, asahan mong kasama si Bambbi. Kaya nga next month naka-schedule silang umalis ni Kris. Go sila sa Greece. Bakasyon daw sana ito ni Kris kasama si Joshua, pero isinabay na ang pictorial ni Kris para sa bago niyang commercial sa Bench na ikasa-shock daw ng lahat.

Kung maganda na si Kris sa San Miguel at San San Cosmetics, say ni Bambbi mas magandang Kris ang gagawin nilang commercial sa Greece na kukunan sa beach do’n.

Sounds exciting.

Anyway, going back to Freemale, regular dancer sila sa Most Requested Show. Nakapag-perform na rin sila sa ASAP Fanatics among others.

Na-organize ang grupo last September. Nagpa-audition sila hanggang sa makapili sila ng 13 members na bubuo sa grupo. Nag-undergo ng ilang buwang training bago sumabak sa pagsayaw sa grupo.

Bukod sa galing sa dancing, very stylish din ang grupo.

So may rason talagang sumikat ang Freemale.

* * *

Salve V. Asis’ e-mail - [email protected]