'Boyfriend ko si Matteo' - Sarah G

MANILA, Philippines – Inamin na rin sa unang pagkakataon ni Pop Star Princess Sarah Geronimo na dyowa niya si Matteo Guidicelli.

Sinabi ito ni Sarah sa isang taped interview na umere sa “Aquino & Abunda Tonight” kagabi.

“Sige, sabihin ko na po, boyfriend ko na po si Matteo... Kasi marami na rin nagsasabi na paligoy-ligoy, di ba, so yun po,” wika ng singer/actress.

Napag-alamanang "mahal" ang tawag ng 24-anyos na aktor kay Sarah.

Noong nakaraang taon pa ang usap-usapang sila na ngunit panay ang kanilang pag-deny sa isyu.

Si Matteo ang kauna-unahang boyfriend ni Sarah na inihayag niya sa publiko.