Bagong silang na sanggol, itinapon sa irigasyon
STA. ROSA, Nueva Ecija, Philippines — Isang bagong silang na sanggol na babae na may nakakabit pang umbilical cord sa pusod nito ang natagpuang patay at palutang-lutang sa isang irrigation canal sa Barangay Tagpos ng bayang ito, noong Martes ng hapon.
Ayon kay P/Major Neilmar Retana, hepe ng pulisya rito, alas-4:30 ng hapon, kamakalawa nang matagpuan umano ng hindi nagpakilalang tanod ng nasabing barangay ang sanggol na palutang-lutang sa nasabing irigasyon.
Agad umanong iniahon patungo sa lupa ang nasabing sanggol at dito ay nadiskubreng kamamatay lang nito.
Ayon naman kay P/Cpl. Jerry Oria, may hawak ng kaso, patuloy pa nilang inaalam sa nakuhang CCTV footage kung sino ang walang pusong ina o magulang na nagtapon sa bagong silang na sanggol, upang mahuli ito at mapanagot sa batas.
- Latest