Stude huli sa panggagahasa sa pinsan
MANILA, Philippines — Matapos ang tatlong taong pagtatago sa batas, nasakote ang 20-anyos na estudyanteng akusado sa panggagahasa sa 13-anyos niyang pinsan sa ginawang pagsalakay ng mga awtoridad sa kanyang hideout sa lalawigan ng Bohol nitong Biyernes.
Kinilala ang nasakote na si Junmhar Grengia Salamanca na may kasong 5 counts of rape at walang inirekomendang piyansa ang korte kapalit ng kanyang pansamantalang kalayaan.
Batay sa report, alas-12:50 ng tanghali nang arestuhin ang suspek ng pinagsanib na elemento ng PNP Anti-Kidnapping Group-Visayas Field Unit at Guindulman Municipal Police Station sa Purok Sitio Lantay, Brgy. Lombog, Guindulman sa bisa ng warrant of arrest na inisyu ni Samuel Biliran, presiding judge ng Regional Trial Court (RTC) Branch 50 ng Loay, Bohol.
- Latest
