P80 milyong droga nasabat sa speedboat
MANILA, Philippines — Narekober ng pulisya at PNP Maritime Unit ang tinatayang nasa 10 kilong hinihinalang shabu sa Barangay Locloc Palauig, Zambales kahapon ng umaga. Sa ulat mula sa tanggapan ni Zambales Police Provincial Director P/Col. Rogelio Ponce Pinones, isang mangingisda ang nag-report na may isang speedboat ang inabandona sa nasabing lugar, kaya’t agad na rumesponde ang mga awtoridad.
Nang ito ay siyasatin, nakita sa loob ng bangka ang limang plastic na naglalaman ng shabu na aabot sa P80 milyong halaga sa street value.
Patuloy pa rin ang isinasagawang malalimang imbestigasyon ng pulisya kung sino ang may-ari at lulan ng nasabing speedboat.
- Latest