Bigtime ‘tulak’ dakma sa buy-bust
CAVITE, Philippines –Arestado ang isang sinasabing bigtime na pusher ng droga matapos masakote sa isang buy-bust operation ng mga otoridad sa Brgy. Paliparan 3, Dasmariñas City, kamakalawa ng madaling araw.
Ang suspek ay kinilalang si Alexander Sison, 55-anyos, residente ng Phase 4, Blk 168 Lt 26, ng naturang lugar.
Sa ulat, dakong ala-1:30 ng madaling araw nang ikasa ang operasyon laban sa suspek.
Nang magpositibo matapos makabili ang pulis na tumayong buyer ng P2,000 halaga ng droga sa suspek ay dito na ito pinaligiran ng iba pang mga pulis at dinakma.
Nakuha ang may 52 gramo ng shabu na aabot sa P150,000.00. ang halaga.
Nabatid na ang suspek ang siyang supplier ng iba pang mga tulak sa ilang barangay ng lunsod ng Dasmariñas.
- Latest