Kolektor, nagkunwaring naholdap, dakma
NUEVA VIZCAYA, Philippines – Kulungan ang binagsakan ng 21-anyos na marketing collector matapos magpanggap na naholdap nang maipatalo nito sa sugalan ang malaking halaga na nakolekta sa bayan ng Baggao, Cagayan. Nakatakdang kasuhan ng pulisya ang suspek na si Samuel Malupeng ng Barangay Gadu sa bayan ng Solana, Cagayan. Unang sinabi ni Malupeng na siya ay hinarang ng dalawang kalalakihan na sakay ng motorsiklo sa bayan ng Baggao kung saan tinangay ang kanyang bag na naglalaman ng P67, 000. Gayunman, nabisto ang suspek matapos itong pagdudahan ng imbestigador ng pulisya na hindi magkakatugma ang kanyang pahayag dahil nasa kanya pa rin naman ang pitaka at cell phone. Dito na umamin si Malupeng at sinabi na ang kanyang koleksyon na P40,000 ay naipatalo sa pasugalan sa Tuguegarao City.
- Latest