Trike driver na ‘kawatan’, itinumba

TUGUEGARAO CITY,  Cagayan, Philippines - Pinabulagta ang 41-anyos na traysikel drayber na inakusahang kawatan ng panabong na manok matapos itong ratratin ng riding-in-tandem assassins sa harap ng kanyang tropa sa Barangay Caritan Centro, Tuguegarao City sa Cagayan noong Linggo ng gabi. ?Sa police report na nakarating kay P/Supt. Virgilio Con Abillera Jr. hepe na Tuguegarao City PNP, agad namatay ang biktimang si Vincent Cambri, tubong Barangay Bauan, Solana at ngayon ay naninirahan sa nabanggit na barangay. ?Ayon kay P/Chief Insp. Ronnie Labbao, hepe ng Solana PNP; dating katiwala sa gamefowl farm sa kanyang bayan ang biktima na pinaghinalaang nagnanakaw ng mga panabong ng kanyang amo na ginagamit nito sa pagkakalulong sa alak.? Narekober sa crime scene ang pitong basyo ng bala ng cal. 45 pistol kung saan wala naman sa drug watchlist ng pulisya si Cambri.