Mister binril sa harap ni misis
TUGUEGARAO CITY, Cagayan, Philippines – Nakikipaglaban kay kamatayan ang 52-anyos na medical radiologist matapos itong barilin ng maskaradong lalaki sa harapan ng kanyang misis sa Maharlika Homes Subdivision, Cauayan City sa Isabela kamakalawa. Tinamaan sa dibdib ang biktimang si Bernard Piedad na kaagad namang naisugod sa pribadong bahay pagamutan. Base sa ulat na nakarating kay P/Supt. Engelbert Soriano, hepe ng Cauayan City PNP, pababa sa SUV ang biktima at kanyang misis mula sa isa pa nilang bahay sa bayan ng San Mateo nang lapitan at ratratin dakong alas-9 ng gabi.? Hindi naman sinaktan ng gunman ang nakatulalang misis kung saan tinangay ang mga alahas at pitaka ng biktima upang palabasin ang anggulong pagnanakaw.
- Latest