Banana dealer, itinumba

TUGUEGARAO CITY, Cagayan, Philippines – Bumulagta ang 47-anyos na negosyante matapos itong pagbabarilin ng dalawang hindi kilalang lalaki habang nagpapakain ng mga alagang baboy sa Barangay Minuri, bayan ng Jones, Isabela kamakalawa ng umaga. Sa police report na nakarating kay Isabela PNP Director P/Senior Supt. Leon Rafael, kinilala ang biktima na ni Arnel Enriquez. Nagkalat ang mga basyo ng bala ng M16 Armalite rifle at cal. 45 pistol sa crime scene habang hindi naman nadamay ang mga alagang baboy ng biktima na balak sana nitong katayin sa darating na Pasko. Sinisilip ng mga imbestigador ang anggulong paghihiganti  laban sa biktima na isang banana dealer.