2 magsasaka nilikida ng NPA

CAMARINES NORTE, Philippines - Napatay ang dalawang magsasaka na sinasabing tiktik ng military at pulisya makaraang pagbabarilin ng mga rebeldeng New People’s Army sa naganap na magkahiwalay na karahasan sa bayan ng Labo, Camarines Norte kamakalawa ng umaga. Sa police report na nakarating kay P/Supt. Geoffrey Fernandez,  unang niratrat at napatay sa harap ng kanyang misis ang biktimang si Lorenzo Villagarcia, 82, ng Purok 5 sa Barangay Bayan-bayan. Samantala, binaril naman sa mukha ang 44-anyos na si Elmer Rempilio habang nagpapahinga sa labas ng kanilang bahay sa Barangay Bagong Silang 2 sa bayan ng Labo. Narekober sa crime scene ang ilang basyo ng bala ng cal. 45 pistol.