Tiyuhin dinedo ng pamangkin

LEGAZPI CITY, Albay, Philippines  – Pinagtataga at napatay ang 64-anyos na mister ng kanyang pamangkin sa Barangay Agos sa bayan ng Polangui, Albay kahapon ng madaling araw. Hindi na umabot ng buhay sa Rinconada Medical Center ang biktimang si Epifanio Ramos habang nasakote naman ang suspek na si Jonathan Sada, 36, kapwa nakatira sa nabanggit na barangay. Base sa police report, lango sa alak nang umuwi ang suspek kung saan inabutan nito ang kanyang tiyuhin na nakikipag-inuman sa kanyang ina at kay Nestor Cangayo. Kinompronta ng suspek ang biktima kung saan nauwi sa krimen. Nabatid na ang magtiyuhin ay may matagal ng alitan sa hindi nabatid na dahilan.