SARIAYA,Quezon ,Philippines –Mistulang isang boksingerong na –knockout ang isang 16 anyos na estudyante matapos itong suntukin ng kamag-aral na nasawi matapos na mabagok pa ang ulo sa semento sa Brgy. Lutucan 1 ng lungsod kamakalawa ng hapon.
Nakilala ang biktima na si Sherwin Maaliw, residente ng Brgy. Sampaloc 1 at 2nd year high school sa Lutucan National High School.
Patuloy naman ang pagtugis ng pulisya sa suspek na itinago sa pangalang Bryan, 17-anyos at isa pang hindi natukoy ang pangalan na umano’y kasama nito.
Ayon kay SPO1 Sherwin Banaag, dakong ala-1 ng hapon ay naglalakad sa labas ng paaralan ang biktima at dalawang kaklaseng sina Engelbert Rodolpa at Darwin Magbanlac nang lapitan ng suspek at walang sabi-sabing binigwasan.
Sa lakas ng suntok ng suspek ay bumagok ang ulo ng biktima sa sementong kalye at dinala ito sa klinika ng paaralan at inilipat sa Greg Hospital subalit namatay habang pinipilit na isalba ng mga manggagamot ang kanyang buhay.