Tulay pinasabog ng Sayyaf

MANILA, Philippines - Pinasabog ng mga bandidong Abu Sayyaf  ang isang tulay sa  bayan ng Patikul, Sulu sa panibagong paghahasik ng karahasan noong Sabado ng mada­ling araw. Batay sa ulat, bandang ala-1:45 ng madaling araw nang sumabog ang bomba na itinanim sa tulay ng Barangay Taung. Wala namang iniulat na nasugatan o kaya nasawi sa pambobomba kung saan naapektuhan naman ang mobilisasyon ng tropa ng militar at pulisya kontra sa tinutugis na mga bandidong Abu Sayyaf.